I Nau Rêh Jêng 21:16 - Nau Brah Ndu Ngơi 2023

¹⁶ Y-Đavit n'gơr uănh, saơ tông mpăr Brah Yêhôva dâk vah vang neh đah trôk, ti păng djôt đao yơr ta klơ Yêrusalem. Y-Đavit jêh ri phung bu ranh dôl nsoh ao ƀau, chon mon tâm neh.

I Nau Rêh Jêng 21:16 ပူးပေါင်းရင်းမြစ်များ

Nau Ntơm 3:24

Brah Ndu mprơh bunuyh du luh bơh n'gar trao. Ta ntŭk mpeh luh nar n'gar trao Êđen, Păng dơm phung chêrubim n'hanh ma đao nchrat ral ngăn, ndăch ăp mpeh, gay kâp njrăng trong hăn tât tơm si nau rêh.

I Phung Hađăch 21:27

Tơlah Y-Ahap tăng lĕ nau nây, păng nkhêk bok ao, nsoh ao nsrôt ƀau, ver ât sông sa, bê̆ch tâm ƀau, jêh ri mbơh nau n'hôi săk păng nơm deh rhêt.

II Phung Hađăch 19:1

Tơlah tăng nau nây, hađăch Hêsêkia nkhêk bok ao păng ro, nsoh ao ƀau jêh ri lăp tâm ngih Brah Yêhôva.

II Phung Hađăch 6:17

Jêh nây Y-Êlisê mbơh sơm: “Hơi Brah Yêhôva, dăn ma may pơk măt ma oh mon gâp, gay păng dơi saơ.” Brah Yêhôva pơk măt oh mon nây, jêh nây păng dơi saơ klơ yôk bêng ma seh jêh ri ndeh seh ma ŭnh dôl gŭ jŭm Y-Êlisê.

Êsêkiêl 30:25

Gâp mra ƀư ăn ma bar nting tur hađăch Babilôn dăng ktang, ƀiălah bar nting tur hađăch Pharaôn mra hươi. Khân păng mra gĭt Gâp jêng Brah Yêhôva tơlah Gâp ăn đao Gâp tâm ti hađăch Babilôn, jêh ri hađăch nây mra yơr đao nây tâm lơh đah n'gor bri Êjipt.

Êsêkiêl 9:8

Dôl khân păng lơh nkhĭt gâp gŭ êng du huê. Gâp păn muh măt jêh ri kuăl nter pô aơ: “Ơ Yêhôva Brah Ndu! May ŭch nkhŭt nau ji nuih tâm ƀon Yêrusalem gay ƀư rai lơi lĕ rngôch phung hôm klen ta ƀon Israel mâm ƀư?”

Nau Kơp Bunuyh 14:5

Y-Môis jêh ri Y-Arôn chon mon chŭn muh măt ta neh tanăp lĕ rngôch phung ƀon lan Israel tâm rƀŭn.

Nau Kơp Bunuyh 16:22

Bar hê khân păng chŭn muh măt ta neh jêh ri lah: “Ơ Kôranh Brah jêng Brah Ndu ăn n'hâm ma lĕ rngôch nglay săk! Knŏng geh du huê bunuyh ƀư tih, ƀiălah May ji nuih nđâp ma lĕ rngôch bunuyh tâm rƀŭn lĕ?”

Nau Kơp Bunuyh 22:23

Seh bri me saơ tông mpăr Brah Yêhôva dâk ta trong djôt đao rnglay tâm ti păng; jêh ri seh bri teng du jêh ri hăn trŭnh tâm mir. Y-Balaam dong seh bri, gay juet păng hăn plơ̆ tay ma trong.

Nau Kơp Bunuyh 22:31

Nôk nây, Brah Yêhôva pơk măt Y-Balaam jêh ri Y-Balaam saơ tông mpăr Brah Yêhôva dâk ta nklang trong, djôt đao rnglay tâm ti păng. Y-Balaam kŭnh bôk păng nơm, chŭn muh măt ta neh.

Phung Kôranh Phat Dôih 13:20

Tơlah chiông ŭnh tă bơh nơng ƀư brah hao leo klơ trôk tông mpăr Brah Yêhôva tâm ban đŏng hao tâm chiông ŭnh tă bơh nơng nây. Saơ pônây, Y-Manôa jêh ri ur păng uănh nau nây khân păng păn muh măt ta neh.