I Nau Rêh Jêng 21:15 - Nau Brah Ndu Ngơi 2023

¹⁵ Brah Ndu prơh du huê tông mpăr hăn gay ƀư rai Yêrusalem. Ƀiălah tơlah saơ tông mpăr dôl ƀư rai Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri Păng ntăm ma tông mpăr nơm ƀư rai: “Găp jêh! Nkân hom ti may.” Rnôk nây taơ, tông mpăr Brah Yêhôva dâk dăch ntŭk mprah ba Y-Ôrnan, bunuyh Jêbusit.

I Nau Rêh Jêng 21:15 ပူးပေါင်းရင်းမြစ်များ

Nau Ntơm 6:6

pôri Brah Ndu nduyh tôr yorlah hŏ njêng jêh kon bunuyh klơ neh, jêh ri rngot tâm nuih n'hâm.

Nau Ngluh Êjipt 32:14

Brah Yêhôva tâm rgâl nau păng ŭch mĭn mâu ƀư nau mhĭk ma phung ƀon lan Păng.

Markôs 14:41

Păng plơ̆ tay đŏng rơh pe, jêh ri lah ma phung oh mon: “Mâm khân may hôm bê̆ch jêh ri gŭ rlu? Găp jêh, mông tât jêh! Aơ, nơm rlăng mra jao Kon Bunuyh tâm ti phung tih.

Yêrêmi 26:18

“Y-Mika gŭ tâm ƀon Môrêset, nơm mbơh lor tâm rnôk Y-Hêsêkia, hađăch Yuđa, hŏ ngơi ma lĕ rngôch phung ƀon lan n'gor Yuđa pô aơ: Brah Yêhôva ma phung tahan lah: ‘Siôn bu mra chuar nâm bu lôk mir, Yêrusalem mra jêng du mbŭch rlâm rai nchah rngot njăp, Yôk ngih brah mra jêng yôk bri krŏng.’

Yêrêmi 7:12

‘Pônây, khân may hăn hom tât ta ntŭk Gâp ta Silô, jêng ntŭk Gâp dơm jêh amoh Gâp ntơm bơh saơm, uănh moh nau Gâp hŏ ƀư ăn păng yorlah nau mhĭk ƀon lan Gâp jêng Israel.’

Nau Mprơ Ơm 90:13

Dăn plơ̆ tay! Ơ Brah Yêhôva, ndah nâm jŏ nau May ji nuih? Dăn yô̆ nđach ma phung oh mon May!

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

II Nau Rêh Jêng 3:1

Y-Salômôn ntơm ndâk ngih Brah Yêhôva, tâm Yêrusalem klơ yôk Môria, jêng ntŭk Brah Yêhôva hŏ tâm mpơl jêh ma Y-Đavit, mbơ̆ păng. Nĕ jêng ntŭk Y-Đavit hŏ nchŏng jêh gay ndâk tâm ntŭk mprah ba Y-Ôrnan, bunuyh Jêbusit.

I Phung Hađăch 19:4

Bi păng hăn trong du nar đŏng lăp tâm bri rdah. Păng gŭ tâm dâng du tơm si n'ho toyh jêh ri mbơh sơm dăn ma păng khĭt: “Hơi Kôranh Brah! Lĕ găp jêh. Dăn ma May nglôch lơi nau rêh gâp, yorlah gâp mâu jêng ueh lơn ôh đah phung chô yau gâp.”

II Samuel 24:18

Tâm nar nây, Y-Gat hăn tât tâm mâp đah Y-Đavit jêh ri lah: “Hăn hao hom, ndâk du nơng ƀư brah ma Brah Yêhôva ta ntŭk mprah ba Y-Arauna, bunuyh Jêbusit.”

II Samuel 24:16

Tơlah tông mpăr yơr ti gay ƀư rai ma Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri lah ma tông mpăr nơm gŭ ƀư rai phung ƀon lan: “Găp jêh! Aƀaơ ri rhuăt hom ti may.” Rnôk nây taơ, tông mpăr Brah Yêhôva gŭ êp ntŭk mprah ba Y-Arauna, bunuyh Jêbusit.

Phung Kôranh Phat Dôih 10:16

Khân păng ntlơi lĕ đơ phung brah êng, jêh nây plơ̆ tay pah kan ma Brah Yêhôva. Brah Yêhôva rngot rvê ngăn ma nau rêh ni phung ƀon lan Israel.

Phung Kôranh Phat Dôih 2:18

Ăp tơ̆ Brah Yêhôva n'hao phung kôranh phat dôih ăn phung Israel, Păng gŭ ndrel phung kôranh phat dôih nây. Dôl rnôk phung kôranh phat dôih hôm rêh, Brah Yêhôva rklaih phung Israel luh bơh ti phung rlăng khân păng, yorlah Păng yô̆ nđach ma lĕ nau nter vơl khân păng tâm nôk bu nkrit, tŭn jot ma khân păng.

Nau Ngluh Êjipt 9:28

Mbơh sơm hom ma Brah Yêhôva gay ma bah nglaih jêh ri mih tŭp pler, jêh nây gâp mra ăn khân may hăn, mâu hôm gŭ đŏng ôh!”

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Yêrêmi 26:9

Mâm ƀư may nănh tâm amoh Brah Yêhôva ngơi mbơh lor pô aơ: ‘Ngih aơ mra jêng nâm bu ƀon Silô, ƀon toyh aơ mra jêng rngot njăp, mâu geh ƀon lan gŭ ôh’?” Nôk aơ, lĕ rngôch phung ƀon lan tâm gŭ jŭm Y-Yêrêmi tâm ngih Brah Yêhôva.

I Kôrintô 10:10

Jêh ri lơi ngơi ƀŭk dŭk suyh ôh nâm bu phung ƀaƀă tâm khân păng, jêh ri khân păng khĭt đah ti tông mpăr ƀư rai.

Nau Ntơm 19:13

Hên ntơm ƀư rai ntŭk aơ, yorlah nau vơh vơl phung ƀon lan tâm ƀon aơ hŏ tât ta Brah Yêhôva, jêh ri Păng hŏ đă hên hăn gay ƀư rai lơi ƀon aơ.”

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.

Yônais 3:10

Rnôk nây, Brah Ndu saơ nau khân păng ƀư jêh ri saơ khân păng hŏ chalơi jêh trong mhĭk khân păng pôri Păng tâm rgâl nau mĭn ma nau mhĭk tât ta klơ khân păng nâm bu hŏ lah, jêh ri Păng mâu ƀư nau nây ôh.

Amôt 7:3

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Amôt 7:6

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”