I Nau Rêh Jêng 21:13 - Nau Brah Ndu Ngơi 2023

¹³ Y-Đavit lah ma Y-Gat: “Gâp tŭp tâm nau rêh ni toyh ngăn. Ăn gâp tŭp tâm ti Brah Yêhôva, yorlah nau Păng yô̆ nđach toyh ngăn; lơi ăn ôh gâp tŭp tâm ti bunuyh.”

I Nau Rêh Jêng 21:13 ပူးပေါင်းရင်းမြစ်များ

II Phung Hađăch 6:15

Phung oh mon bunuyh Brah Ndu kah rngăl ơm ôi jêh ri hăn luh du padih, saơ du phung tahan ndrel ma seh jêh ri ndeh seh dôl nchueng jŭm ƀon. Păng lah đah Y-Êlisê: “Hơi kôranh gâp! Mâm he mra ƀư?”

II Phung Hađăch 7:4

Tơlah lăp tâm ƀon he mra khĭt ji ngot ta nây, yorlah tâm ƀon geh nau ji ngot toyh; bi tơlah gŭ ta aơ, he mra khĭt. Pôri aƀaơ, he hăn rlet ma pôih phung tahan Aram jêh ri hăn lăp mpeh khân păng. Tơlah khân păng ăn ma he gŭ rêh, pôri he mra rêh, jêh ri tơlah khân păng nkhĭt he, pôri he mra khĭt dơm.”

II Nau Rêh Jêng 28:9

Geh ta nây, du huê nơm mbơh lor Brah Yêhôva amoh Y-Ôdet. Păng hăn mâp phung tahan dôl plơ̆ sĭt bơh Samari, jêh ri lah ma khân păng: “Aơ, Yêhôva Brah Ndu phung che khân may hao ji nuih ma phung Yuđa yor ri Păng jao khân păng tâm ti khân may, jêh ri khân may nkhĭt khân păng ma nau ji nuih, nau nây lư n'hôl tât trôk.

Êsther 4:11

“Lĕ rngôch phung oh mon jêh ri phung ƀon lan tâm bri hađăch dơi gĭt da dê pô aơ ăp nơm, mâu gĭt bu ur mâu lah bu klâu, hăn lăp tâm nkual tâm trôm ngih hađăch mâu geh ôh nau jă kuăl, tĭng nâm nau vay hŏ ntrŭnh, bu mra nkhĭt lĕ rngôch, knŏng tơlah hađăch yơr mâng jra hađăch ma mah, nơm nây dơi hôm rêh. Ƀiălah hŏ geh pe jât nar ma aơ gâp mâu dơi ăn lăp tâm trôm nkual ngih hađăch.”

Êsther 4:16

“Kuăl rgum hom lĕ rngôch phung Yuđa gŭ ta ƀon Susa, jêh ri yor ma gâp tâm ban lĕ, ât sông sa pe măng pe nar, mâu dơi sông sa mâu lah dơi nhêt. Gâp jêh ri phung oh mon bu ur gâp mra ver ât sông sa đŏng. Jêh nau nây, gâp mra lăp tanăp hađăch jêng nau mâu di nau vay; ƀiălah tơlah gâp khĭt ăn gâp khĭt yơh.”

Nau Mprơ Ơm 103:8

Brah Yêhôva bêng ma nau yô̆ nđach, vay ƀư ueh, Mâu gơnh duh nuih jêh ri ndrŏng ma nau ueh.

Nau Mprơ Ơm 106:7

Dôl phung chô yau hên gŭ tâm bri Êjipt, Khân păng mâu gĭt rbăng lĕ nau mbên khlay May, Mâu lĕ kah gĭt nuih n'hâm ueh May rmeh ler, Ƀiălah ƀư nau tâm rdâng ta kơh dak mƀŭt, nây jêng Dak Mƀŭt Chăng.

Nau Mprơ Ơm 119:156

Ơ Brah Yêhôva, nau May yô̆ nđach jêng toyh ngăn, Ƀư ăn gâp dơi rêh tĭng nâm nau May ntăm.

Nau Mprơ Ơm 130:4

Ƀiălah Brah Ndu rơm ndrăp nau yô̆ an Gay ma bu klach yơk mbah ma May.

Nau Mprơ Ơm 130:7

Ơ phung Israel, kâp gân hom ma Brah Yêhôva Yorlah Brah Yêhôva bêng ma nuih n'hâm ueh, Jêh ri Păng ăn nau tâm rklaih rmeh ler.

Nau Mprơ Ơm 5:7

Bi ma gâp, yor nau ueh Kôranh Brah âk ngăn, Gâp mra lăp tâm ngih Kôranh Brah, Gâp mra sŏk nau klach yơk Ma nau yơk mbah tanăp ngih brah kloh ueh May.

Nau Mprơ Ơm 69:13

Ƀiălah Ơ Brah Yêhôva! Rnôk nơih aơ gâp mbơh sơm ma May. Ơ Brah Ndu! Tĭng nâm nau yô̆ nđach toyh hâu ngăn May jêh ri tĭng nau ngăn tâm rklaih tă bơh May, Dăn mplơ̆ lah nau gâp.

Nau Mprơ Ơm 69:16

Ơ Brah Yêhôva! Dăn mplơ̆ lah nau gâp yor nau ueh May jêng ueh; Tĭng nâm nau yô̆ nđach rmeh ler May, dăn n'gĭl ma gâp.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Nau Hôr 12:10

Bunuyh sŏng srăng mât mray ăn nau rêh mpô mpa păng rŏng, Ƀiălah nuih n'hâm yô̆ bơh phung mhĭk jêng nau djơh janh.

Êsai 46:7

Khân păng tuy rup nây ta săng nglik, jêh ri djôt, Dơm rup nây ta ntŭk păng, jêh ri păng gŭ dâk ta nây; Păng mâu mpât du bơh ntŭk păng ôh. Tơlah bu nter ma păng, păng mâu dơi plơ̆ lah ôh, Jêh ri mâu lĕ dơi rklaih khân păng bơh nau tât.”

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsai 63:15

Bơh trôk, dăn Kôranh Brah mêt uănh, Bơh ntŭk May gŭ kloh ueh jêh ri chrêk rmah, dăn May mêt uănh! Mbah nau duh nđơr jêh ri kan nau brah May? Nau May rŏng jêh ri yô̆. Bu hŏ king jêh ƀơh!

Êsai 63:7

Gâp nkah tay nau ueh bơh Brah Yêhôva, Jêh ri nau tâm rnê ma Brah Yêhôva, Yorlah tĭng nâm lĕ nau Brah Yêhôva ƀư ăn jêh ma he, Jêh ri Păng ăn nau ueh âk toyh ma ngih Israel, Tĭng nau Păng yô̆ nđach, Jêh ri nau ueh bơh Păng mâu blau dŭt.

Nau Nhĭm Vơl 3:32

Nđâp tơlah Păng ƀư nau rngot rvê, Păng hôm e yô̆ nđach Tĭng nuih n'hâm ueh Păng toyh ngăn;

Yônais 3:9

Gĭt lah Brah Ndu mra tâm rgâl nau mĭn jêh ri lơi lĕ nau Păng ji nuih gay ăn ma he klaih bơh nau khĭt?”

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Yôhan 12:27

Huêng Gâp aƀaơ geh nau uh ah ngăn. Mâm Gâp mra lah? ‘Ơ Mbơ̆, mông aơ dăn may rklaih Gâp! Ƀiălah yor tâm mông aơ Gâp hŏ văch.

Philip 1:23

Gâp geh nau mpet bar đah: Gâp ŭch luh du jêh ri plơ̆ sĭt gŭ ndrel ma Brah Krist jêng nau ueh lơn âk ngăn.

ហេឞ្រើ 10:31

Tŭp tâm ti Brah Ndu rêh jêng nau klach krit ngăn.