I Nau Rêh Jêng 21:12 - Nau Brah Ndu Ngơi 2023

¹² mâu lah pe năm ji ngot, mâu lah pe khay nau ƀư rai tă bơh phung rlăng may jêh ri đao phung rlăng may ban lơh may; mâu lah pe nar ma đao Brah Yêhôva rmal, jêng nau ji tưp tâm n'gor jêh ri tông mpăr Brah Yêhôva ƀư rai lam n'gor bri Israel.’ Pôri aƀaơ ri, săch hom nau gâp mra plơ̆ sĭt lah ma Nơm prơh gâp hăn.”

I Nau Rêh Jêng 21:12 ပူးပေါင်းရင်းမြစ်များ

II Samuel 21:1

Dôl rnôk rô̆ Y-Đavit, geh nau ji ngot jŏ jong tâm pe năm. Yor ri, Y-Đavit joi muh măt Brah Yêhôva. Brah Yêhôva plơ̆ lah: “Nau aơ dơi tât yorlah Y-Sôl jêh ri phung ngih păng geh nau ƀư tih nkhŭt mham, tơlah păng nkhĭt jêh phung Gibêôn.”

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

II Phung Hađăch 19:35

Măng nây, du huê tông mpăr Brah Yêhôva lơh nkhĭt du rsen pham rmưn prăm rbăn bunuyh tâm pôih tahan Asiri. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh.

II Phung Hađăch 8:1

Rnôk nây, Y-Êlisê lah jêh ma bu ur geh kon bu klâu păng hŏ ƀư dâk rêh tay: “Dâk hăn hom, ndrel ma bunuyh ngih vâl ay, jêh ri gŭ njơh ta ntŭk ay dơi, yorlah Brah Yêhôva ƀư ăn nau ji ngot toyh tât geh tâm n'gor, jêh ri mra jŏ jong kŏ tât pơh năm.”

I Nau Rêh Jêng 21:11

Y-Gat hăn mâp ma Y-Đavit jêh ri lah ma păng: “Brah Yêhôva lah: ‘Săch hom moh nau may ŭch:

Nau Mprơ Ơm 91:6

Mâu lah nau ji tưp tâm nau ngo Mâu lah nau rai yot ƀư rai dôl nklang bôk nar.

Nau Ngluh Êjipt 12:23

Brah Yêhôva mra hăn rgăn gay ƀư nđêh nji phung Êjipt; dôl saơ mham ta mbong mpông luh lăp, Păng mra hăn rgăn ro jêh ri mâu ăn ôh tông mpăr ƀư rai lăp tâm ngih khân may gay ƀư nau nđêh nji.

Êsai 66:16

Yorlah Brah Yêhôva mra dŏng ŭnh jêh ri đao Gay phat dôih lĕ rngôch nglay săk; Jêh ri phung Brah Yêhôva nkhĭt mra jêng âk.

Yêrêmi 12:12

Ta klơ yôk hil tâm bri rdah Phung sŏk ntŭng ƀư rai hŏ lip tât jêh; Yor mpiăt đao Brah Yêhôva rvăn neh aơ Ntơm bôk đah aơ tât bôk đah ri, Mâu geh du săk jăn dơi đăp mpăn.

Yêrêmi 42:16

pôri đao khân may klach mra tĭng ban khân may tâm n'gor bri Êjipt; nau sa sât ji ngot khân may klach krit ngăn mra tĭng groi khân may tât ma n'gor bri Êjipt, jêh ri khân may mra khĭt ta nây.

Yêrêmi 47:6

Ơ, đao Brah Yêhôva, Ndah nâm jŏ dĭng ti may rlu? Ntrŭp hom tâm ndrop, Rlu jêh ri gŭ đăp mpăn.

Nau Nhĭm Vơl 4:9

Phung khĭt yor đao Hôm geh nau ueh lơn ma phung khĭt ji ngot: Khân păng khĭt mbrơi mbrơi tâm nau nđêh nji, Yor mâu geh ndơ tă bơh mir.

Kan Lêvi 26:10

Khân may dôl hôm sa ba tâm yan ơm, hŏ rep ndrăp ntŭk gay ma bun ba tâm yan mhe.

Kan Lêvi 26:17

Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Luka 4:25

Nanê̆, Gâp lah ma khân may, tâm nôk Y-Êli, dôl trôk phang tâm pe năm prao khay, lĕ n'gor Israel geh nau ji ngot toyh, jêh ri tâm phung Israel geh đŏng âk bu ur ndrô.

Kôranh Oh Mon 12:23

Ƀât lât, geh du huê tông mpăr Kôranh Brah dong hađăch Hêrôt yorlah hađăch mâu ăn nau chrêk rmah ma Brah Ndu. Hađăch khĭt yor ma rhai sa.

Nau Vay Nkah Tay 28:15

“Ƀiălah tơlah khân may mâu iăt ôh bâr Yêhôva Brah Ndu khân may, mâu njrăng ƀư tĭng lĕ nau vay Păng ntăm jêh ri nau vay Păng dăp, jêng nau gâp ntăm ma khân may nar aơ, pôri lĕ nau rak rtăp aơ mra njŭr tât ma khân may jêh ri tât ban khân may.

Nau Vay Nkah Tay 28:22

Brah Yêhôva mra ƀư rêh ni khân may ma nau ji khô hiăn, nau ji kop, nau ji kren, nau duh ktang, nau prăng phang ƀư ma tơm si gơ̆ rêp klêu kro, luh o. Lĕ nau mhĭk nây mra tĭng khân may kŏ tât khân may rai lôch.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Nau Vay Nkah Tay 28:27

Brah Yêhôva mra ƀư rêh ni khân may ma nau ji ndâng ok eh bơh n'gor Êjipt, nau ji toh ko, ji toh ok, nau ji chiăt ƀiălah săm mâu dơi bah ôh.

Nau Vay Nkah Tay 28:35

Brah Yêhôva mra ƀư rêh ni khân may ma nau ji eh ta kômâk jêh ri ta jâng, jêh nây hao tă bơh mpang jâng tât ta klơ bôk, khân may săm mâu dơi bah ôh.