I Nau Rêh Jêng 20:8 - Nau Brah Ndu Ngơi 2023

⁸ Phung nây jêng noi deh phung toyh juat ta Gat; khân păng khĭt ma ti Y-Đavit jêh ri ma ti phung oh mon păng.

I Nau Rêh Jêng 20:8 ပူးပေါင်းရင်းမြစ်များ

II Samuel 21:16

Rnôk nây, Y-Isbi-Bênôp, kon sau Rapha, geh du n'gâr tak ma kông njing jâk pe kilô n'gul, cheng du đao mhe, jêh ri ŭch nkhĭt Y-Đavit.

II Samuel 21:22

Puăn nuyh phung Philistin aơ bu deh ta ƀon Gat, noi deh phung Rapha; khân păng khĭt tâm ti Y-Đavit jêh ri ma ti phung oh mon păng.

I Nau Rêh Jêng 20:7

Păng mưch ma phung Israel, pôri Y-Jônathan, kon Y-Simêa, nâu Y-Đavit, lơh nkhĭt păng.

I Nau Rêh Jêng 21:1

Satan dâk tâm rdâng đah phung Israel, jêh ri nsŭk nsôr Y-Đavit kơp rnoh bunuyh.

Nơm Nti 9:11

Gâp saơ tay tâm dâng nar: Mâu di lĕ ngăch jâng jêng blau nchuăt, Suan ktang jêng dơi nau tâm lơh, Ăt mâu di lĕ blau mĭn jêng hơm tŏng, Gĭt rbăng jêng ndrŏng kuăng, Jêh ri blau ngăn jêng nau yô̆; Yorlah mông găl jêh ri nau ƀŭn lap tât da dê ăn ma lĕ rngôch bunuyh.

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Yôsuê 14:12

Pônây, ăn hom ma gâp bri klơ dor yôk aơ tĭng nâm nau Brah Yêhôva ngơi jêh tâm nar nĕ, yorlah tâm rnôk nây may tăng jêh ta aơ geh phung Anakim nđâp ma lĕ ƀon toyh jêh ri nâp ngăn. Dăn Brah Yêhôva gŭ ndrel ma gâp gay gâp mprơh khân păng tĭng nâm Brah Yêhôva lah jêh.”