I Nau Rêh Jêng 2:7 - Nau Brah Ndu Ngơi 2023

⁷ Phung kon bu klâu Y-Karmi jêng Y-Akar, jêng nơm ƀư rŭng rai ma Y-Israel, yorlah păng sŏk ndơ prăp ăn ma Yêhôva.

I Nau Rêh Jêng 2:7 ပူးပေါင်းရင်းမြစ်များ

I Nau Rêh Jêng 2:6

Phung kon bu klâu Y-Sêra jêng Y-Simri, Y-Êthan, Y-Hêman, Y-Kalkôl, jêh ri Y-Dara; lĕ rngôch jêng prăm nuyh.

I Nau Rêh Jêng 2:8

Kon Y-Êthan jêng Y-Asaria.

I Nau Rêh Jêng 4:1

Phung kon bu klâu Y-Yuđa jêng: Y-Pêres, Y-Hêsron, Y-Karmi, Y-Hur jêh ri Y-Sôbal.

Nau Vay Nkah Tay 13:17

Lơi ăn geh du ntil ndơ bu prăp ƀư rai hôm krêp ta ti khân may. Nar aơ, ăn khân may djôt prăp lĕ rngôch nau vay Păng ntăm rĭ dĭng gâp hŏ ntĭnh ma khân may jêh ri ƀư nau di tanăp măt Yêhôva Brah Ndu. Pônây, Yêhôva Brah Ndu mra djoh nau ji nuih jêh ri tâm mpơl nau yô̆ nđach ma khân may. Tâm nau Păng yô̆, rnoh bunuyh khân may mra bĭk rơ̆ tĭng nâm nau Păng hŏ ton jêh ma phung chô yau khân may.”

Nau Vay Nkah Tay 7:26

Lơi djôt ôh ndơ tâm rmot nây nglăp tâm ngih khân may yorlah khân may mra geh nau rak rtăp nâm bu ndơ nây. Ăn khân may ƀơ̆ ƀơch jêh ri tâm rmot ngăn ma ndơ nây, yorlah ndơ nây jêng nau rai lôch lĕ.”

Yôsuê 22:20

Mâu di hĕ Y-Akan, kon bu klâu Y-Sêra hŏ ƀư tih mâu răp jăp ôh yor ndơ prăp ma nau ƀư rai jêh, dĭng nau ji nuih Brah Yêhôva hao tât ma lĕ phung Israel tâm rƀŭn? Jêh ri mâu di knŏng du huê păng nơm ôh khĭt yor nau kue păng!’”

Yôsuê 6:18

Ƀiălah du ngai hom lĕ ndơ prăp ma nau ƀư rai. Yorlah tơlah khân may sŏk lĕ ndơ prăp ƀư rai lơi, khân may mra ƀư ma pôih tahan phung Israel jêng ndơ prăp ma nau ƀư rai, jêh ri djôt nau uh ah lăp tâm pôih tahan nây.

Yôsuê 7:25

Y-Yôsuê lah: “Mâm ƀư may ăn nau uh ah ma phung he? Brah Yêhôva mra ăn tât nau uh ah ma may nar aơ.” Jêh nây lĕ rngôch phung Israel klŭp păng ma lŭ; khân păng su phung nây ma ŭnh jêh ri brôi lơi ma lŭ.