I Nau Rêh Jêng 2:17 - Nau Brah Ndu Ngơi 202317 H'Abigêl deh ma Y-Amasa; mbơ̆ ma Y-Amasa jêng Y-Jêther, bu klâu Ismaêl. အခန်းကိုကြည့်ပါ။ |
Brah Yêhôva mra ƀư ăn ma mham păng nkhŭt tay ta klơ bôk păng, yorlah păng hŏ rduh dăch bar hê bunuyh sŏng srăng jêh ri ueh lơn ma păng, nkhĭt khân păng ma đao, ƀiălah Y-Đavit, mbơ̆ gâp, mâu gĭt du ntil ndơ ôh; nây jêng Y-Apner, kon Y-Ner, kôranh chiă uănh tahan Israel, jêh ri Y-Amasa, kon Y-Jêther, kôranh chiă uănh tahan Yuđa.
May hŏ gĭt đŏng ma lĕ nau Y-Jôap, kon bu klâu H'Sêruya, hŏ ƀư jêh ma gâp, nau păng hŏ ƀư đah bar hê kôranh chiă uănh tahan Israel jêng Y-Apner kon bu klâu Y-Ner, jêh ri Y-Amasa, kon Y-Jêther. Păng hŏ nkhĭt bar hê kôranh nây, ƀư nkhŭt mham khân păng tâm rnôk đăp mpăn nâm bu tâm rnôk nau tâm lơh, jêh ri hŏ ƀư mham nây krêp ta rse vân bŭt păng jêh ri ta ntâu jot păng ta jâng.
Nôk nây, Huêng Brah nkŭm Y-Amasai, jêng kôranh ma phung pe jât bunuyh nây, ƀư ăn ma păng lah: “Hơi Y-Đavit, hên jêng phung may; Hơi kon bu klâu Y-Yêsê, hên gŭ mpeh ma may! Nau đăp mpăn, nau đăp mpăn ma may; Nau đăp mpăn ma phung kơl may! Yorlah Brah Ndu may kơl may!” Pônây Y-Đavit rom khân păng jêh ri njêng khân păng chiă uănh ma phung tahan păng.