I Nau Rêh Jêng 19:3 - Nau Brah Ndu Ngơi 2023

³ Ƀiălah phung kôranh chiă uănh ma phung Ammôn mbơh ma Y-Hanun: “May mĭn lĕ ma Y-Đavit prơh jêh phung mbơh hăn tât gay bonh leng may yorlah nau păng yơk ma mbơ̆ may? Mâu di hĕ phung oh mon păng văch ma may gay ŭch sek uănh jêh ri n'hut uănh n'gor gay ƀư rai n'gor?”

I Nau Rêh Jêng 19:3 ပူးပေါင်းရင်းမြစ်များ

II Samuel 10:3

Ƀiălah phung kôranh chiă uănh ma phung Ammôn mbơh ma Y-Hanun, kôranh khân păng: “Hađăch mĭn lĕ ma Y-Đavit prơh jêh phung mbơh hăn tât gay bonh leng may yorlah nau păng yơk ma mbơ̆ may? Mâu di hĕ Y-Đavit prơh hăn phung oh mon păng văch ma hađăch gay ŭch sek uănh ƀon, n'hut uănh jêh ri gay ƀư rai lơi lĕ ƀon?”

I Nau Rêh Jêng 19:2

Y-Đavit lah: “Gâp ŭch mpơl nau rŏng dơh dăch ma Y-Hanun, kon Y-Nahas, nâm bu mbơ̆ păng nơm ƀư nau ueh ma gâp.” Y-Đavit prơh phung mbơh hăn gay bonh leng Y-Hanun yor nau khĭt mbơ̆ păng. Pônây, phung oh mon Y-Đavit hăn tât ma Y-Hanun tâm n'gor phung Ammôn gay bonh leng păng.

I Nau Rêh Jêng 19:4

Y-Hanun nhŭp phung mbơh Y-Đavit, poih lơi têp jêh ri koh lơi ao khân păng ta nklang n'gul gang bŭt khân păng, jêh nây mprơh khân păng sĭt.

Phung Kôranh Phat Dôih 18:2

Pônây, phung Dan prơh prăm nuyh janh ktang tâm ndŭl mpôl khân păng hăn bơh Sôra jêh ri bơh Êstaôl gay hăn n'hut uănh n'gor, jêh ri ntĭnh ma khân păng pô aơ: “Hăn n'hut uănh hom n'gor nây.” Phung hăn n'hut uănh hăn tât ma n'gor klơ dor yôk Êphraim, tât ta ngih Y-Mika, jêh ri gŭ bê̆ch măng ta nây.

I Samuel 29:4

Ƀiălah phung kôranh chiă uănh tahan Philistin ji nuih, lah ma Y-Akis: “Mprơh hom păng plơ̆ sĭt ntŭk may de ntĭm jêh ma păng, lơi ăn ma păng hăn tâm lơh ndrel ma he, klach lah dôl tâm lơh, păng jêng rlăng he. Yorlah mâm nau păng dơi tâm nsĭr đŏng đah kôranh păng, tơlah mâu hĕ tă bơh lĕ bôk phung tahan he?

I Samuel 29:9

Y-Akis lah đŏng ma Y-Đavit: “Gâp gĭt nau nây, may ƀư nau maak ma gâp nâm bu tông mpăr Brah Ndu. Ƀiălah phung kôranh chiă uănh tahan Philistin lah: ‘Păng mâu mra dơi hăn luh ma nau tâm lơh ndrel ma he ôh.’