I Nau Rêh Jêng 19:2 - Nau Brah Ndu Ngơi 2023

² Y-Đavit lah: “Gâp ŭch mpơl nau rŏng dơh dăch ma Y-Hanun, kon Y-Nahas, nâm bu mbơ̆ păng nơm ƀư nau ueh ma gâp.” Y-Đavit prơh phung mbơh hăn gay bonh leng Y-Hanun yor nau khĭt mbơ̆ păng. Pônây, phung oh mon Y-Đavit hăn tât ma Y-Hanun tâm n'gor phung Ammôn gay bonh leng păng.

I Nau Rêh Jêng 19:2 ပူးပေါင်းရင်းမြစ်များ

II Samuel 9:1

Rnôk nây, Y-Đavit lah: “Geh bunuyh hôm rêh lĕ bơh ngih Y-Sôl?” Gâp ŭch ƀư ueh ma păng yor tă bơh Y-Jônathan.

II Samuel 9:7

Y-Đavit lah ma păng: “Lơi klach ôh, yorlah gâp ŭch ƀư nau ueh ma may yor Y-Jônathan, mbơ̆ may; gâp mra mplơ̆ sĭt đŏng ma may lĕ neh Y-Sôl, che may, jêh ri may mra sông sa ta sưng sông gâp ƀaƀơ.”

II Phung Hađăch 4:13

Y-Êlisê lah ma oh mon păng: “Lah hom ma păng: ‘Aơ, ay ƀư jêh lĕ kan dŭt jâk râng an ma hên. Pônây, moh ndơ hên ƀư ma ay? Moh nau ay ŭch hên ngơi an ma hađăch mâu lah ma kôranh chiă uănh ma phung tahan?’” Păng plơ̆ lah: “Gâp gŭ ta nklang phung ƀon lan gâp nơm.”

I Nau Rêh Jêng 19:1

Jêh lĕ nau nây, hađăch Amôn jêng Y-Nahas khĭt, jêh ri kon bu klâu păng jêng hađăch chiă uănh thoi păng.

I Nau Rêh Jêng 19:3

Ƀiălah phung kôranh chiă uănh ma phung Ammôn mbơh ma Y-Hanun: “May mĭn lĕ ma Y-Đavit prơh jêh phung mbơh hăn tât gay bonh leng may yorlah nau păng yơk ma mbơ̆ may? Mâu di hĕ phung oh mon păng văch ma may gay ŭch sek uănh jêh ri n'hut uănh n'gor gay ƀư rai n'gor?”

Nêhêmi 13:1

Tâm nar nây, bu răk ndrom samƀŭt Y-Môis ăn phung ƀon lan iăt jêh ri saơ tâm nây geh nchih phung Ammôn jêh ri phung Môap ƀaƀơ n'ho ro mâu dơi lăp ôh tâm nau tâm rƀŭn Brah Ndu,

Nêhêmi 4:3

Y-Tôbia, bunuyh Ammôn, dâk dăch păng jêh ri lah pô aơ: “Ơ, ndơ khân păng ndâk nây tơlah geh du mlâm mpik hao njŏ ta klơ nây, păng mra ƀư rlâm lơi lŭ pêr khân păng!”

Nêhêmi 4:7

Ƀiălah tơlah Y-Sanbalat, Y-Tôbia, phung Arabi, phung Ammôn jêh ri phung Asdôt tăng nau ndâk nkra mpêr ƀon Yêrusalem lơ hao jêh ri lĕ ntŭk bluh lĕ tâm jĭr ndrel jêh, khân păng ji nuih hâu ngăn.

Êsther 6:3

Hađăch lah: “Yor nau kan nây, Y-Môrdêkai dơi geh nau chrêk rmah jêh ri ăn nau nkhôm ma păng lĕ?” Phung oh mon hađăch plơ̆ lah: “Bu mâu mâp ƀư ma păng du ntil nau ôh.”

Nơm Nti 9:15

Tâm ƀon toyh nây geh du huê bunuyh o ach blau mĭn, jêh ri bunuyh nây hŏ dŏng nau blau mĭn păng nơm rklaih ƀon. Ƀiălah rlet ô klak mbu mâu hôm kah gĭt tât ma bunuyh o ach nây đŏng.

Yôhan 11:19

yor ri geh âk phung Yuđa hăn bonh leng H'Mathê jêh ri H'Mari yor nâu khân păng lĕ khĭt.

I Samuel 30:26

Tơlah Y-Đavit sĭt tât ma Siklak, păng njuăl du kô̆ ndô ndơ sŏk gro ma phung bu ranh phung Yuđa, jêng phung mĭt jiăng păng, jêh ri lah: “Aơ jêng ndơ nhhơr ma khân may, tă bơh ndô ndơ sŏk gro bơh phung rlăng Brah Yêhôva.”