I Nau Rêh Jêng 19:13 - Nau Brah Ndu Ngơi 2023

¹³ Ƀư dăng ktang hom, nâp nuih n'hâm hom! Yor phung ƀon lan he, yor ma ƀon Brah Yêhôva dĭng he tâm lơh. Dăn Brah Yêhôva ƀư tĭng nâm nau Păng mĭn ueh.”

I Nau Rêh Jêng 19:13 ပူးပေါင်းရင်းမြစ်များ

II Samuel 10:12

Ktang hom jêh ri tâm lơh janh ktang yor phung ƀon lan he jêh ri yor lĕ ƀon Brah Ndu he. Dăn Brah Yêhôva ƀư tĭng nâm nau Păng mĭn ueh!”

II Samuel 15:26

Ƀiălah tơlah Păng lah: ‘Gâp mâu ŭch rŏng ôh may,’ pôri ăn Păng ƀư ma gâp tĭng nâm nau Păng mĭn ueh!”

I Nau Rêh Jêng 19:12

Păng lah: “Tơlah phung tahan Aram ktang ir ma gâp, may mra kơl gâp; ƀiălah tơlah phung Ammôn ktang lơn may, gâp mra văch kơl may.

I Nau Rêh Jêng 19:14

Pônây, Y-Jôap jêh ri phung tahan hăn tĭng păng văch dăch tâm lơh đah phung tahan Aram; jêh ri phung tahan Aram nchuăt du bơh păng.

Êsra 10:4

Ƀư hom, yorlah kan aơ jêng kan may, jêh ri hên mra kâp kơl may; ăn may janh nănh nuih jêh ri ƀư hom nau aơ!”

Nêhêmi 4:14

Jêh sek uănh, gâp dâk hăn jêh ri ngơi ma phung ndrŏng, phung kôranh, jêh ri phung ƀon lan hôm e klen pô aơ: “Lơi klach ôh ma khân păng. Kah gĭt hom pô aơ Kôranh Brah jêng Nơm dŭt toyh jêh ri geh nau klach yơk, mra tâm lơh ăn ma phung oh nâu, ăn ma phung kon bu klâu, kon bu ur, ăn ma phung ur, jêh ri ma phung ngih vâl khân may.”

Ndrom Samƀŭt bơh Yôp 1:22

Tâm lĕ kan nây, Y-Yôp mâu tih ôh jêh ri mâu lĕ ngơi nau nduyh ma Brah Ndu.

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

Yôsuê 1:7

Ăn may janh ktang, nănh nanê̆ jêh ri blau njrăng ƀư tĭng lĕ rngôch nau vay Y-Môis, oh mon Gâp, ntĭnh jêh ma may; lơi teng pa ma mâu lah pa chiau ôh, gay moh ntŭk may hăn mra dơi geh jêng.

Yôsuê 10:25

Y-Yôsuê lah ma khân păng: “Lơi klach mâu lah rdja nuih n'hâm ôh; janh ktang hom jêh ri nâp, yorlah Brah Yêhôva mra ƀư tâm ban pônây ma lĕ rngôch phung rlăng khân may jêng phung khân may mra tâm lơh.”

Phung Kôranh Phat Dôih 10:15

Phung ƀon lan Israel lah ma Brah Yêhôva: “Hên ƀư tih jêh! Dăn Kôranh Brah ƀư hom ma hên tĭng nâm nau Kôranh Brah mĭn ueh, ƀiălah aƀaơ dăn Kôranh Brah sâm rklaih hên!”

I Samuel 17:32

Y-Đavit mbơh ma Y-Sôl: “Lơi ăn rdja nuih ôh yor bunuyh Philistin ri! Oh mon may mra hăn tâm lơh đah bu klâu Philistin nây.”

I Samuel 3:18

Pôri, Y-Samuel nkoch tay lĕ rngôch nau, mâu pôn mo du ntil nau ma păng ôh. Y-Êli lah: “Nây jêng Brah Yêhôva, ăn Păng ƀư nau nây tĭng nâm nau Păng mĭn ueh!”

I Samuel 4:9

Hơi phung Philistin, ăn gŭ janh hom, mpơl hom khân may nơm jêng phung janh ktang! Tơlah mâu, khân may mra jêng dĭk ma phung Hêbrơ nâm bu khân păng hŏ tă jêng dĭk ma khân may! Mpơl hom khân may nơm jêng phung janh ktang jêh ri tâm lơh hom!”