I Nau Rêh Jêng 18:5 - Nau Brah Ndu Ngơi 2023

⁵ Tơlah phung Aram bơh Damas văch ŭch kơl ma Y-Hadadêser, hađăch Sôba, Y-Đavit nkhĭt bar rmưn bar rbăn nuyh tahan tâm phung Aram.

I Nau Rêh Jêng 18:5 ပူးပေါင်းရင်းမြစ်များ

I Nau Rêh Jêng 18:3

Y-Đavit dơi đŏng đah Y-Hadadêser, hađăch ƀon Sôba, mpeh ma Hamat, dôl păng hăn ƀư ăn nâp nau chiă uănh tât ta dak krong Ơphrat.

I Nau Rêh Jêng 18:4

Y-Đavit sŏk gro bơh hađăch Sôba du rbăn bôk ndeh, pơh rbăn tahan ncho seh, jêh ri bar rmưn tahan hăn jâng. Y-Đavit sreh jâng jon lĕ rngôch seh uih ndeh, knŏng om tŏng du rhiăng seh.

I Nau Rêh Jêng 18:6

Y-Đavit dơm phung tahan ta pôih tâm n'gor Aram jêng ndơ ƀon Damas; phung Aram pah kan jêh ri chê̆ pi ma Y-Đavit. Brah Yêhôva kơl Y-Đavit geh nau dơi tâm nau tâm lơh ăp ntŭk păng hăn tât.

I Nau Rêh Jêng 19:6

Tơlah phung Ammôn gĭt Y-Đavit ji nuih ma khân păng, Y-Hanun jêh ri phung Ammôn prơh bunuyh djôt leo pe jât tân prăk hăn tât n'gor Mêsôpôtami, n'gor Aram-Maka, jêh ri n'gor Sôba gay nkhôm ndeh seh jêh ri phung tahan ncho seh.

Nau Mprơ Ơm 60:2

May ăn neh ntu mpât n'găr, ƀư ma păng jêng đang; Aƀaơ, ăn May nkra tay lĕ ntŭk đang yor păng n'gơ.

I Samuel 14:47

Nôk Y-Sôl dơn nau dơi jêng hađăch ma phung Israel, păng tâm lơh đah lĕ rngôch phung rlăng gŭ văr jŭm păng, nâm phung Môap, phung Ammôn, phung Êđôm, phung hađăch n'gor Sôba, jêh ri phung Philistin. Păng tâm lơh dơi lĕ rngôch ntŭk păng hăn.