I Nau Rêh Jêng 18:3 - Nau Brah Ndu Ngơi 2023

³ Y-Đavit dơi đŏng đah Y-Hadadêser, hađăch ƀon Sôba, mpeh ma Hamat, dôl păng hăn ƀư ăn nâp nau chiă uănh tât ta dak krong Ơphrat.

I Nau Rêh Jêng 18:3 ပူးပေါင်းရင်းမြစ်များ

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

II Samuel 10:6

Tơlah phung Ammôn saơ ma khân păng nơm lĕ phung Y-Đavit tâm rmot, khân păng prơh phung tahan hăn lơh nkhôm klăp lah bar rmưn nuyh tahan hăn jâng bơh phung Aram ta Bêt-Rêhôp jêh ri ta Sôba, du rbăn nuyh bơh hađăch phung Maka jêh ri du rmưn bar rbăn nuyh bơh n'gor bri Tôp.

II Samuel 8:3

Y-Đavit dơi lơh đŏng hađăch n'gor Sôba jêng Y-Hadadêser, kon Y-Rêhôp, dôl hađăch nây hăn gay ndâk đŏng nau chiă uănh ta n'gor dak krong Ơphrat.

I Nau Rêh Jêng 18:2

Y-Đavit dơi đŏng đah phung Môap; ăn phung Môap pah kan jêh ri chê̆ pi ma Y-Đavit.

I Nau Rêh Jêng 18:4

Y-Đavit sŏk gro bơh hađăch Sôba du rbăn bôk ndeh, pơh rbăn tahan ncho seh, jêh ri bar rmưn tahan hăn jâng. Y-Đavit sreh jâng jon lĕ rngôch seh uih ndeh, knŏng om tŏng du rhiăng seh.

II Nau Rêh Jêng 8:3

Y-Salômôn hăn lơh Hamat-Sôba jêh ri dơi păng pit in ƀon nây.

Êsra 4:20

Ta ƀon Yêrusalem hŏ geh phung hađăch geh nau dăng ktang chiă uănh ta mpeh đah ri dak krong, jêh ri bu nhhơr ndơ, chê̆ pi jêh ri chê̆ prăk rvăt samƀŭt rsong trong ma phung hađăch nây.

Nau Mprơ Ơm 60:1

Ơ Brah Ndu! May chalơi jêh hên, May ăn hên jêng du pru pra; May nuih jêh ma hên. Ƀiălah aƀaơ njŭn leo hên plơ̆ tay.

Nau Mprơ Ơm 60:2

May ăn neh ntu mpât n'găr, ƀư ma păng jêng đang; Aƀaơ, ăn May nkra tay lĕ ntŭk đang yor păng n'gơ.

Nau Ngluh Êjipt 23:31

Gâp mra ƀư n'har bri kon ntơm bơh Dak Mƀŭt Chăng tât ta dak mƀŭt Philistin, ntơm bơh bri rdah tât ta dak krong toyh; yorlah Gâp mra jao lĕ phung bunuyh ta n'gor nây tâm ti kon, jêh ri kon mra mprơh khân păng mâu hôm saơ ta măt kon.

I Samuel 14:47

Nôk Y-Sôl dơn nau dơi jêng hađăch ma phung Israel, păng tâm lơh đah lĕ rngôch phung rlăng gŭ văr jŭm păng, nâm phung Môap, phung Ammôn, phung Êđôm, phung hađăch n'gor Sôba, jêh ri phung Philistin. Păng tâm lơh dơi lĕ rngôch ntŭk păng hăn.