I Nau Rêh Jêng 18:13 - Nau Brah Ndu Ngơi 2023

¹³ Păng ndâk pôih tahan tâm n'gor Êđôm, jêh ri lĕ rngôch phung Êđôm jêng oh mon ma Y-Đavit. Brah Yêhôva kơl Y-Đavit geh nau dơi tâm nau tâm lơh ăp ntŭk păng hăn.

I Nau Rêh Jêng 18:13 ပူးပေါင်းရင်းမြစ်များ

Nau Ntơm 25:23

Brah Yêhôva lah: Bar bri dak dôl gŭ tâm ndŭl ay, Jêh ri bar ntil phung ƀon lan luh tă bơh ndŭl ay mra tâm pă; Phung ƀon lan aơ dăng lơn đah phung ƀon lan ri, Jêh ri nơm toyh mra pah kan ma nơm jê̆.

Nau Ntơm 27:29

Ăn lĕ bunuyh ƀon lan pah kan ma may, Lĕ bri dak chon mon ta may! Chiă uănh hom ma phung oh nâu may, Phung kon bu klâu mê̆ may chon mon ma may da dê! Mbu nơm rtăp rak kon mra dơn nau bu rtăp rak tay, Mbu nơm dăn nau ueh uĭn ma may mra geh nau ueh uĭn tay.”

Nau Ntơm 27:37

Y-Isăk lah ma Y-Êsau: “Aơ, gâp hŏ ăn njêng păng ƀư kôranh may, hŏ ăn jêh oh nâu păng ƀư jêng oh mon păng, jêh ri hŏ sâm siăm jêh ba ƀlê jêh ri ndrănh ma păng. Pôri moh ndơ gâp hôm dơi ăn ma may, hơi kon!”

Nau Ntơm 27:40

May mra rêh yor ma đao, Jêh ri jêng oh mon ma oh may. Ƀiălah dôl may hôm rêh mblêng ta aơ ta ri, May mra nkê̆ch lơi mâng mbăk oh may ta trô ko may.”

II Samuel 23:14

Rnôk nây Y-Đavit gŭ tâm pôih, bi mpôl phung tahan Philistin gŭ ta ƀon Ƀêtlêhem.

I Phung Hađăch 11:15

Alor, tâm nôk Y-Đavit tŭn mpet n'gor Êđôm, Y-Jôap jêng kôranh chiă uănh ma phung tahan, hŏ nkhĭt lĕ rngôch phung bu klâu tâm Êđôm, tâm nôk hăn tâp brôi phung bunuyh khĭt.

I Nau Rêh Jêng 18:12

Y-Abisai, kon H'Sêruya, tâm lơh đah phung Êđôm tâm rlŭng Boh, jêh ri nkhĭt du rmưn pham rbăn bunuyh.

I Nau Rêh Jêng 18:14

Y-Đavit jêng hađăch chiă uănh lĕ rngôch phung Israel, ƀư nau di jêh ri nau sŏng ma lĕ rngôch phung ƀon lan.

I Nau Rêh Jêng 18:6

Y-Đavit dơm phung tahan ta pôih tâm n'gor Aram jêng ndơ ƀon Damas; phung Aram pah kan jêh ri chê̆ pi ma Y-Đavit. Brah Yêhôva kơl Y-Đavit geh nau dơi tâm nau tâm lơh ăp ntŭk păng hăn tât.

Nau Mprơ Ơm 121:7

Brah Yêhôva mra mât mray may bơh lĕ rngôch nau mhĭk. Păng mra mât mray nau rêh may.

Nau Mprơ Ơm 144:10

May hŏ rklaih jêh ma phung hađăch, Jêh ri rklaih Y-Đavit, oh mon May, bơh đao ƀư rai.

Nau Kơp Bunuyh 24:18

Bu mra pit sŏk Êđôm, Sêir jêng phung rlăng, bu mra tŭn jot, Ƀiălah Israel mra dơi ma nau janh ktang.

II Kôrintô 11:32

Ta ƀon Đamas, kôranh n'gor gŭ tâm dâng hađăch Arêtas ăn bu gak njrăng ƀon Đamas gay ăn bu nhŭp gâp.

I Samuel 10:5

Jêh nau nây, may mra tât ta Gibêat Êlôhim, ta nây geh du pôih tahan phung Philistin. Tơlah lĕ lăp jêh tâm ƀon, may mra mâp du mpôl mbơh lor tă bơh ntŭk prêh klơ hăn jŭr, djôt gong rêng, gâr jê̆, n'hôm, jêh ri gong rêng loih hăn lor jêh ri khân păng mra mbơh lor.

I Samuel 13:3

Y-Jônathan dơi tâm lơh đah pôih phung tahan Philistin ta Gêba, phung Philistin gĭt nau nây. Bi Y-Sôl ăn bu uh nŭng lam n'gor jêh ri lah pô aơ: “Phung ƀon lan Hêbrơ gŭ iăt hom!”

I Samuel 14:1

Du nar, Y-Jônathan, kon Y-Sôl, lah ma bu klâu ndăm tuy ndơ tâm lơh ma păng: “Kay lŏng, he hăn rgăn hom pôih tahan phung Philistin gŭ mpeh đah ri.” Ƀiălah păng mâu mbơh ôh ma mbơ̆ păng gĭt.

I Samuel 18:14

Y-Đavit geh nau dơi tâm lĕ kan păng ƀư yorlah Brah Yêhôva gŭ ndrel ma păng.