I Nau Rêh Jêng 17:9 - Nau Brah Ndu Ngơi 2023

⁹ Gâp mra săch du ntŭk ma phung ƀon lan Israel Gâp, jêh ri tăm khân păng, gay ma khân păng dơi gŭ rêh ta nây, jêh ri khân păng mâu geh nau rŭng răng ôh. Phung djơh mhĭk mâu mra hôm tŭn jot đŏng ôh khân păng nâm bu rnôk saơm,

I Nau Rêh Jêng 17:9 ပူးပေါင်းရင်းမြစ်များ

I Nau Rêh Jêng 17:10

tâm ban nôk Gâp dơm jêh phung kôranh phat dôih chiă uănh phung ƀon lan Israel Gâp. Gâp mra ăn lĕ rngôch phung rlăng may plơ̆ lăp may. Gâp tâm ban đŏng mbơh ma may gĭt pô aơ Brah Yêhôva mra ndâk ma may du nau chiă uănh.

I Nau Rêh Jêng 17:8

Ăp ntŭk may hăn, Gâp gŭ ndrel ma may, ƀư rai lĕ rngôch phung rlăng may tanăp măt may; Gâp mra ăn may lư n'găr nâm bu amoh phung toyh ta neh ntu.

Nau Mprơ Ơm 44:2

May sŏk ti May nơm mprơh du phung mpôl băl bunuyh, Ƀiălah ăn phung chô yau hên gŭ ta nây; May ăn ma phung mpôl băl bunuyh rai lêk, Ƀiălah ăn ma phung chô yau hên jêng ndrŏng.

Nau Mprơ Ơm 89:22

Phung rlăng mâu mra tŭn jot ma păng, Phung ƀai mâu lĕ mra dơi ƀư bêk prêng păng ôh.

Nau Mprơ Ơm 92:13

Phung bu dơi tăm tâm ngih Brah Yêhôva Mra luh kao tâm nkual nhuang Brah Ndu hên.

Nau Ngluh Êjipt 2:23

Jŏ jêh nây, hađăch Êjipt khĭt. Phung ƀon lan Israel vơh vơl, kuăl nter yor nau ƀư dĭk bu, nau khân păng lŭng nter tăng tât ma Brah Ndu.

Êsai 49:17

Phung kon may ngăch plơ̆ sĭt; Phung ƀư mhĭk, ƀư rai may mra du bơh may.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Yêrêmi 24:6

Gâp mra ntreng măt tât ma khân păng, ƀư nau ueh ma khân păng jêh ri njŭn leo khân păng plơ̆ sĭt ma bri aơ. Gâp mra ndâk njêng mâu di ƀư rai ôh; mra brôi tăm mâu di rôk lơi ôh.

Yêrêmi 32:41

Gâp mra maak ƀư nau ueh ma khân păng, ma lĕ nuih n'hâm ma lĕ nau ktang tăm khân păng ma nau nâp tâm bri aơ.’

Êsêkiêl 28:4

May hŏ dơi ndrŏng jêh Yor nau gĭt blau jêh ri nau gĭt rbăng may nơm; May hŏ prăp bun jêh prăk mah Tâm ngih prăp drăp may.

Êsêkiêl 34:13

Gâp mra djôt leo khân păng luh du tă bơh ta nklang mpôl ƀon lan bri êng; Gâp mra rgum khân păng tă bơh tâm lĕ bri dak êng jêh ri njŭn leo khân păng sĭt tâm bri neh prăp êng ma khân păng nơm. Gâp mra chiăp khân păng ta klơ lĕ yôk Israel, êp tu dak jêh ri lĕ rngôch ntŭk geh bunuyh gŭ tâm n'gor bri.

Êsêkiêl 37:25

Khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb, jêh ri jêng bri chô yau khân may hŏ gŭ. Khân păng, kon sau khân păng jêh ri lĕ rngôch rô̆ khân păng mra gŭ ta nây kŏ tât ƀaƀơ n'ho ro. Oh mon Gâp jêng Y-Đavit mra ƀư hađăch khân păng mro mrăng.

Amôt 9:15

Gâp mra tăm tay Israel tâm bri khân păng nơm Jêh ri bu mâu mra hôm rôk ôh khân păng bơh bri Gâp ăn jêh ma khân păng.” Brah Yêhôva jêng Brah Ndu may lah kơt nây.

Êphêsô 5:6

Lơi ăn bu ndơm khân may ma nau mâu khlay ôh; yor bơh nau nây yơh nau Brah Ndu ji nuih nkhŭt tŭp ta noi deh mâu tông bâr.

Nau Tâm Mpơl 21:4

Păng mra jut lĕ dak măt ta măt khân păng. Mâu mra geh nau khĭt ôh, mâu mra hôm geh nau klâng ndrê, nhĭm nhhiăng, mâu lah nau nđêh nji đŏng; yorlah lĕ nau tal nguay lĕ rlau lôch jêh.”