I Nau Rêh Jêng 17:8 - Nau Brah Ndu Ngơi 2023

⁸ Ăp ntŭk may hăn, Gâp gŭ ndrel ma may, ƀư rai lĕ rngôch phung rlăng may tanăp măt may; Gâp mra ăn may lư n'găr nâm bu amoh phung toyh ta neh ntu.

I Nau Rêh Jêng 17:8 ပူးပေါင်းရင်းမြစ်များ

Nau Ntơm 28:15

Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

II Samuel 22:1

Tơlah Brah Yêhôva hŏ tâm rklaih jêh Y-Đavit tă bơh ti Y-Sôl, păng mprơ ma nau ngơi aơ gay tâm rnê ma Brah Yêhôva:

II Samuel 7:9

Gâp hŏ gŭ ndrel ma may tâm lĕ rngôch ntŭk may hăn, ƀư rai lĕ rngôch phung rlăng may; jêh ri Gâp hŏ ƀư ăn may lư n'găr nâm bu amoh phung toyh ta neh ntu.

II Samuel 8:6

Jêh ma nây, Y-Đavit njêng pôih ta ƀon Damas n'gor Aram; phung Aram pah kan jêh ri chê̆ pi ma Y-Đavit. Ta ntŭk Y-Đavit hăn tât, pôri Brah Yêhôva ăn păng dơi.

II Samuel 8:8

Tă bơh Bêta jêh ri Bêrôthai, bar ƀon Y-Hadadêser, hađăch Đavit hŏ pit in âk ngăn kông.

I Nau Rêh Jêng 14:17

Nau lư n'găr Y-Đavit lam ăp ntŭk, jêh ri Brah Yêhôva ƀư ăn lĕ rngôch phung ntil mpôl bunuyh klach krit ma Y-Đavit.

I Nau Rêh Jêng 17:17

Hơi Brah Ndu! Nau aơ jêng du ndơ jê̆ tanăp măt May, pôri May hôm ton ăn nau ueh uĭn ma ngih oh mon May ma âk rô̆ rlet kăndơ̆, jêh ri kơp jêh gâp nâm bu bunuyh geh nau yơk! Hơi Yêhôva Brah Ndu,

I Nau Rêh Jêng 17:2

Y-Nathan lah ma Y-Đavit: “Ƀư hom lĕ nau may mĭn tâm nuih n'hâm may, yorlah Brah Ndu gŭ ndrel ma may.”

I Nau Rêh Jêng 17:7

Aƀaơ ri, may lah hom ma oh mon Gâp jêng Y-Đavit pô aơ, Brah Yêhôva ma phung tahan lah: ‘Gâp sŏk may tă bơh ndrêch gơ̆, tă bơh du huê rmăk biăp, njêng may jêng kôranh chiă uănh phung ƀon lan Israel Gâp.

I Nau Rêh Jêng 17:9

Gâp mra săch du ntŭk ma phung ƀon lan Israel Gâp, jêh ri tăm khân păng, gay ma khân păng dơi gŭ rêh ta nây, jêh ri khân păng mâu geh nau rŭng răng ôh. Phung djơh mhĭk mâu mra hôm tŭn jot đŏng ôh khân păng nâm bu rnôk saơm,

Êsra 4:20

Ta ƀon Yêrusalem hŏ geh phung hađăch geh nau dăng ktang chiă uănh ta mpeh đah ri dak krong, jêh ri bu nhhơr ndơ, chê̆ pi jêh ri chê̆ prăk rvăt samƀŭt rsong trong ma phung hađăch nây.

Nau Mprơ Ơm 18:1

Ơ Brah Yêhôva, May jêng nau ktang gâp, Gâp rŏng ma May.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:7

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 71:21

May mra ntop nau yơk gâp, Jêh ri plơ̆ bonh leng gâp.

Nau Mprơ Ơm 75:7

Ƀiălah Brah Ndu nơm yơh ƀư nau phat dôih: Păng n'hŭch nơm aơ jŭr, n'hao nơm ri hao.

Luka 1:52

Păng n'glưh nsot sưng hađăch lĕ phung chiă uănh, Jêh ri hŏ n'hao phung bunuyh dêh rhêt hao.

I Samuel 18:14

Y-Đavit geh nau dơi tâm lĕ kan păng ƀư yorlah Brah Yêhôva gŭ ndrel ma păng.

I Samuel 18:28

Ƀiălah tơlah Y-Sôl saơ rah vah Brah Yêhôva gŭ ndrel ma Y-Đavit jêh ri saơ H'Mikal, kon bu ur păng, rŏng ma Y-Đavit

I Samuel 26:10

Y-Đavit ngơi lah đŏng: “Nanê̆ tĭng nâm Brah Yêhôva gŭ rêh mro mrăng, Brah Yêhôva mra dong păng, mâu lah tơlah tât nar păng khĭt êng, mâu lah tơlah păng hăn tâm lơh mra rai lôch.