I Nau Rêh Jêng 17:6 - Nau Brah Ndu Ngơi 2023

⁶ Tâm lĕ rngôch ntŭk Gâp nsong ndrel ma phung Israel, Gâp mâp ngơi lĕ du tong đah kôranh phung Israel, jêng nơm Gâp ntĭnh ƀư rmăk biăp ma phung ƀon lan Gâp, pô aơ: ‘Mâm khân may mâu ndâk ôh ma Gâp du mlâm ngih brah ma tơm si sêdar?’

I Nau Rêh Jêng 17:6 ပူးပေါင်းရင်းမြစ်များ

II Samuel 7:7

Tâm lam ntŭk Gâp gŭ ta nklang phung ƀon lan Israel, Gâp ê hŏ mâp lah ma du kôranh chiă uănh tâm phung ndŭl mpôl Israel, jêng nơm rmăk biăp ma phung ƀon lan Gâp pô aơ: Mâm dĭng khân may mâu ndâk ôh ma Gâp du mlâm ngih brah ma tơm si sêdar?’

I Phung Hađăch 8:16

‘Ntơm bơh nar Gâp hŏ njŭn leo phung ƀon lan Gâp jêng Israel du luh tă bơh Êjipt, Gâp mâu mâp săch ôh du rplay ƀon êng tâm lĕ rngôch ndŭl mpôl Israel gay ndâk du mlâm ngih brah ma amoh Gâp gŭ ta nây. Ƀiălah Gâp hŏ săch Y-Đavit gay păng chiă uănh phung ƀon lan Israel Gâp.’

I Nau Rêh Jêng 11:2

Rnôk saơm, dôl Y-Sôl jêng hađăch, may yơh njŭn jêh phung Israel luh jêh ri lăp; jêh ri Yêhôva Brah Ndu may lah ma may pô aơ: ‘May mra rmăk biăp ma phung ƀon lan Gâp jêng phung Israel, jêng kôranh chiă uănh khân păng.’”

I Nau Rêh Jêng 17:7

Aƀaơ ri, may lah hom ma oh mon Gâp jêng Y-Đavit pô aơ, Brah Yêhôva ma phung tahan lah: ‘Gâp sŏk may tă bơh ndrêch gơ̆, tă bơh du huê rmăk biăp, njêng may jêng kôranh chiă uănh phung ƀon lan Israel Gâp.

Yêrêmi 23:4

Gâp mra dơm phung rmăk biăp gay chiăp leo khân păng jêh ri khân păng mâu hôm klach, mâu lĕ rdja klach krit đŏng ôh, jêh ri mâu mra nhhơt roh du mlâm biăp lĕ,” Brah Yêhôva lah pônây.

Êsêkiêl 34:2

“Hơi kon bunuyh, mbơh lor hom nau tâm rdâng đah phung rmăk leo Israel; mbơh lor hom jêh ri lah ma phung rmăk leo nây pô aơ: ‘Kôranh Brah Yêhôva lah: Rêh ni ngăn ma phung rmăk leo Israel jêng bunuyh knŏng mĭn siăm êng khân may nơm! Mâu di hĕ phung rmăk leo mra siăm phung biăp lĕ?

Mika 5:4

Păng nơm mra jêng nau đăp mpăn ma he. Lah phung Asiri mra tât tâm bri he Jêh ri tŭn jot plên tâm ngih hađăch he, Pôri he mra n'hao pơh nuyh rmăk biăp Jêh ri pham nuyh kôranh bơh phung ƀon lan gay tâm rdâng đah păng.

Mathay 2:6

‘Hơi ƀon Ƀêtlêhem, tâm n'gor Yuđa! May mâu ôh di jê̆ lơn đah lĕ ƀon toyh tâm n'gor Yuđa, Yorlah tă bơh may yơh mra mpơl du huê kôranh chiă uănh, Păng mra rmăk biăp phung Israel Gâp.’ ”

Kôranh Oh Mon 13:20

klăp lah tâm puăn rhiăng prăm jât năm. Jêh nây, Păng ăn ma khân păng phung kôranh phat dôih kŏ tât rnôk nơm mbơh lor Y-Samuel.

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Nau Vay Nkah Tay 23:14

Yorlah Yêhôva Brah Ndu hăn nsong tâm nklang rmlak tahan khân may, gay ma tâm rklaih jêh ri jao phung rlăng ma khân may, yor ri ăn rmlak tahan khân may jêng kloh ueh, gay ma Păng mâu saơ ôh du ntil ndơ ƀơ̆ ta nklang khân may kŏ tât du tă bơh khân may.”

Nau Tâm Mpơl 2:1

“Nchih hom ma phung tông mpăr ma Phung Ngih Brah Ndu ta ƀon Êphêsô pô aơ: Aơ jêng nau ngơi Nơm djôt pơh mănh mbing tâm ti ma, jêh ri hăn ta nklang pơh jâng kađen mah:

I Samuel 12:11

Brah Yêhôva prơh jêh Y-Jêrubaal, Y-Bêdan, Y-Jêptê, jêh ri Y-Samuel gay tâm rklaih khân may bơh ti phung rlăng gŭ jŭm khân may, jêh ri khân may dơi rêh đăp mpăn.