I Nau Rêh Jêng 17:22 - Nau Brah Ndu Ngơi 2023

²² Kôranh Brah hŏ ƀư ăn ma phung ƀon lan Israel rlơ̆ jêng phung ƀon lan ma May nơm kŏ tât ƀaƀơ n'ho ro. Bi May, Hơi Brah Yêhôva, May jêng Brah Ndu khân păng.

I Nau Rêh Jêng 17:22 ပူးပေါင်းရင်းမြစ်များ

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

II Samuel 7:24

Yorlah May hŏ njêng phung ƀon lan Israel ƀư phung ƀon lan May n'ho ro. Ơ Brah Yêhôva! May nơm jêng Brah Ndu khân păng.

I Phung Hađăch 10:9

Mât ton ma Yêhôva Brah Ndu may, Nơm hŏ maak nuih n'hâm n'gân may gŭ ta sưng hađăch phung Israel! Yorlah Brah Yêhôva rŏng ma phung Israel kŏ tât ƀaƀơ n'ho ro, yor ri Păng hŏ njêng jêh may ƀư hađăch gay ƀư nau di jêh ri nau sŏng.”

I Nau Rêh Jêng 17:21

Mâu geh phung ƀon lan êng ta neh ntu jêng nâm bu phung ƀon lan Israel May, du phung ƀon lan Brah Ndu sâm chuai an jêng phung ƀon lan prăp ma May? Kôranh Brah geh amoh toyh ngăn bơh lĕ nau kan toyh khư ma bu klach, dôl May mprơh phung ndŭl mpôl êng tanăp phung ƀon lan May, jêng phung May sâm chuai an jêh tă bơh n'gor bri Êjipt.

I Nau Rêh Jêng 17:23

Aƀaơ aơ, hơi Brah Yêhôva! Dăn nau May ngơi jêh ma oh mon May jêh ri ma ngih păng gŭ nâp ƀaƀơ n'ho ro. Dăn May ƀư di tĭng nâm nau May ngơi jêh.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.