I Nau Rêh Jêng 17:20 - Nau Brah Ndu Ngơi 2023

²⁰ Hơi Brah Yêhôva, mâu geh ôh nơm tâm ban ma May, jêh ri tĭng nâm lĕ nau hên tăng jêh ma tôr hên, rlau ma May mâu geh ôh nơm jêng Brah Ndu.

I Nau Rêh Jêng 17:20 ပူးပေါင်းရင်းမြစ်များ

I Nau Rêh Jêng 17:19

Hơi Brah Yêhôva! Yor oh mon May tĭng nâm nau mĭn May ŭch jêh ri May ƀư lĕ rngôch nau kan toyh aơ gay mpơl lĕ nau khlay ngăn nây.

I Nau Rêh Jêng 17:21

Mâu geh phung ƀon lan êng ta neh ntu jêng nâm bu phung ƀon lan Israel May, du phung ƀon lan Brah Ndu sâm chuai an jêng phung ƀon lan prăp ma May? Kôranh Brah geh amoh toyh ngăn bơh lĕ nau kan toyh khư ma bu klach, dôl May mprơh phung ndŭl mpôl êng tanăp phung ƀon lan May, jêng phung May sâm chuai an jêh tă bơh n'gor bri Êjipt.

Nau Mprơ Ơm 44:1

Ơ Brah Ndu, trôm tôr hên tăng, Phung chô yau hên hŏ nkoch jêh Kan May ƀư jêh tâm rnôk khân păng Ntơm bơh kăl e.

Nau Mprơ Ơm 86:8

Ơ Kôranh Brah! Tâm lĕ rngôch brah mâu geh nơm tâm ban ma May, Mâu geh lĕ nau kan tâm ban ma nau kan May.

Nau Mprơ Ơm 89:6

Yorlah mbu nơm gŭ ta klơ lĕ ndâr trôk dơi tâm rđĭl ma Brah Yêhôva? Tâm lĕ phung brah, mbu nơm dơi tâm ban ma Brah Yêhôva?

Nau Mprơ Ơm 89:8

Ơ Brah Yêhôva Brah Ndu ma phung tahan, Mbu nơm geh nau brah tâm ban ma May? Ơ Brah Yêhôva, nau răp jăp May gŭ văr jŭm May.

Nau Mprơ Ơm 97:9

Yorlah ơ Brah Yêhôva! May jêng Nơm Dŭt Prêh ma lĕ rngôch neh ntu, May geh nau yơk rlau lơn ma lĕ rngôch brah.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Nau Ngluh Êjipt 18:11

Aƀaơ gâp gĭt jêh Brah Yêhôva toyh lơn ma lĕ rngôch brah, yorlah dôl phung Êjipt ƀư mhĭk ma phung ƀon lan Păng ma nau dŭt sưr yor ri Păng dơi lơh khân păng.”

Nau Ngluh Êjipt 8:10

Hađăch plơ̆ lah: “Ôi taơ.” Y-Môis lah: “Mra di tĭng nâm nau may lah gay ma may gĭt mâu geh ôh nơm tâm ban ma Brah Yêhôva, Brah Ndu hên.

Nau Ngluh Êjipt 9:14

Yorlah tal aơ Gâp mra ƀư ăn ma may lĕ nau mhĭk tât tâm nuih n'hâm may, ma phung oh mon may jêh ri ma phung ƀon lan may, gay ma may gĭt tâm lam neh ntu mâu geh ôh bunuyh dơi ban Gâp.

Êsai 40:18

Pôri, đah mbu khân may ŭch rđĭl ma Brah Ndu, Mâu lah moh rup khân may tâm rđĭl ma Păng?

Êsai 40:25

Nơm Kloh Ueh lah: “Mbu đah khân may tâm rđĭl ăn tâm ban ma Gâp? Mbu nơm mra tâm ban đah Gâp?”

Êsai 43:10

Brah Yêhôva lah: “Khân may jêng phung mbơh ngăn ma Gâp, Jêh ri jêng phung oh mon Gâp săch jêh, Gay ma khân may dơi gĭt năl jêh ri chroh ma Gâp, Jêh ri gĭt rbăng Gâp yơh jêng Nơm nây. Mâu lĕ geh brah dơi njêng lor Gâp, Jêh ri mâu lĕ geh brah pakơi Gâp.

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 45:5

Gâp jêng Brah Yêhôva, mâu geh Nơm êng ôh, Rlau ma Gâp, mâu hôm geh Brah Ndu êng ôh. Nđâp tơlah may mâu gĭt năl Gâp, Gâp mra rêt an rse bŭt may,

Êsai 63:12

Nơm ƀư ăn ti nau chrêk rmah Păng Hăn pa ma Y-Môis, Jêng Nơm hŏ nkhah jêh dak tanăp khân păng, Gay amoh lư n'găr n'ho ro;

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Nau Vay Nkah Tay 3:24

‘Hơi Yêhôva Brah Ndu, May hŏ ntơm mpơl jêh ma oh mon May saơ nau chrêk rmah jêh ri ti nau brah May. Yorlah, mbu brah klơ trôk mâu lah ta neh ntu dơi ƀư lĕ nau kan jêh ri ƀư nau brah tâm ban ma May?

Nau Vay Nkah Tay 33:26

“Hơi Yêsurun, mâu geh nơm tâm ban ma Brah Ndu ôh, Nơm tâm rklaih văch ncho tâm trôk, Nau rnam ta klơ lĕ ndâr tŭk.

Nau Vay Nkah Tay 4:35

Khân may hŏ saơ jêh lĕ nau nây, gay ma khân may dơi gĭt năl Yêhôva jêng Brah Ndu, rlau ma Păng mâu hôm geh nơm êng ôh.

Nau Vay Nkah Tay 4:39

Pôri nar aơ ăn khân may gĭt jêh ri djôt prăp hom tâm nuih n'hâm khân may pô aơ, tâm trôk ta klơ jêh ri ta neh ntu tâm dâng, Brah Yêhôva jêng Brah Ndu, mâu hôm geh nơm êng ôh.

I Samuel 2:2

Mâu geh ôh nơm kloh ueh nâm bu Brah Yêhôva; Mâu hôm geh Brah êng ôh rlau ma May! Mâu geh ôh lŭ toyh nâm bu Brah Ndu he.