I Nau Rêh Jêng 17:17 - Nau Brah Ndu Ngơi 2023

¹⁷ Hơi Brah Ndu! Nau aơ jêng du ndơ jê̆ tanăp măt May, pôri May hôm ton ăn nau ueh uĭn ma ngih oh mon May ma âk rô̆ rlet kăndơ̆, jêh ri kơp jêh gâp nâm bu bunuyh geh nau yơk! Hơi Yêhôva Brah Ndu,

I Nau Rêh Jêng 17:17 ပူးပေါင်းရင်းမြစ်များ

II Samuel 12:8

Gâp hŏ ăn lĕ ma may ngih kôranh may, jêh ri jao phung ur kôranh may ma ntang ntơh may. Gâp ăn jêh ma may lĕ ngih Israel jêh ri ngih Yuđa; jêh ri tơlah nau nây hôm djê̆ ir, nanê̆ Gâp mra ăn ntop ma may geh âk lơn đŏng.

II Samuel 7:19

Hơi Kôranh Brah Yêhôva, nau may lah nây jêng du ndơ jê̆ tanăp măt May, dĭng May ngơi ma ngih oh mon May ma âk rô̆ rlet kăndơ̆? Hơi Kôranh Brah Yêhôva, di lĕ aơ jêng nau vay May ƀư ma lĕ rngôch bunuyh hĕ?

I Phung Hađăch 3:13

Rlau lơn ma nĕ, Gâp tâm ban đŏng ăn ma may lĕ nau may mâu mâp dăn ôh, jêng nau ndrŏng ngăn ngên jêh ri lư n'găr, kŏ tât du njăr rêh may, mâu geh ôh tâm phung hađăch mra tâm ban ma may.

II Phung Hađăch 3:18

Ƀiălah nau aơ knŏng jêng nau jê̆ tanăp măt Brah Yêhôva. Păng mra jao phung Môap tâm ti khân may tâm ban lĕ.

I Nau Rêh Jêng 17:16

Hađăch Đavit hăn lăp, gŭ panăp măt Brah Yêhôva, jêh ri lah pô aơ: “Hơi Yêhôva Brah Ndu, mbu gâp jêng, jêh ri mbu moh rnăk vâl gâp, dĭng May hŏ njŭn leo gâp tât ta ntŭk aơ?

I Nau Rêh Jêng 17:18

May ƀư ăn oh mon May geh nau yơk jêh pônây, moh Y-Đavit hôm dơi ngơi đŏng? Yorlah Kôranh Brah gĭt năl jêh oh mon May.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.