I Nau Rêh Jêng 17:16 - Nau Brah Ndu Ngơi 2023

¹⁶ Hađăch Đavit hăn lăp, gŭ panăp măt Brah Yêhôva, jêh ri lah pô aơ: “Hơi Yêhôva Brah Ndu, mbu gâp jêng, jêh ri mbu moh rnăk vâl gâp, dĭng May hŏ njŭn leo gâp tât ta ntŭk aơ?

I Nau Rêh Jêng 17:16 ပူးပေါင်းရင်းမြစ်များ

Nau Ntơm 32:10

Gâp mâu khư ôh đah nau rŏng jêh ri nau răp jăp May hŏ prăp jêh ma oh mon May. Nôk gâp rgăn dak krong Y-Yurdan gâp geh knŏng mâng jra dơm, ƀiălah nar aơ gâp hŏ geh bar phung bunuyh jêh ri drăp ndơ aơ.

II Samuel 7:18

Hađăch Đavit hăn tât gŭ panăp măt Brah Yêhôva, jêh ri lah: “Hơi Kôranh Brah, Brah Yêhôva, mbu gâp jêng jêh ri mbu moh rnăk vâl gâp, dĭng May hŏ njŭn leo gâp tât ta ntŭk aơ?

II Phung Hađăch 19:14

Y-Hêsêkia sŏk dơn samƀŭt bơh phung mbơh jao tâm ti păng. Răk lôch jêh, hađăch hăn hao ro ma ngih Brah Yêhôva, jêh ri ling samƀŭt tanăp Brah Yêhôva.

I Nau Rêh Jêng 17:15

Y-Nathan mbơh lĕ rngôch nau tâm saơ nây ma Y-Đavit.

I Nau Rêh Jêng 17:17

Hơi Brah Ndu! Nau aơ jêng du ndơ jê̆ tanăp măt May, pôri May hôm ton ăn nau ueh uĭn ma ngih oh mon May ma âk rô̆ rlet kăndơ̆, jêh ri kơp jêh gâp nâm bu bunuyh geh nau yơk! Hơi Yêhôva Brah Ndu,

I Nau Rêh Jêng 29:14

Ƀiălah mbu gâp jêng jêh ri mbu phung ƀon lan gâp jêng dĭng hên dơi nhhơr ma nuih n'hâm lŏng tâm ban pô aơ? Yorlah lĕ rngôch ndơ luh bơh Kôranh Brah, jêh ri lĕ ndơ hên nhhơr ma May jêng ndơ May nơm.

II Nau Rêh Jêng 1:8

Y-Salômôn lah ma Brah Ndu: “May hŏ mpơl jêh nau rŏng toyh nanê̆ ngăn ma Y-Đavit, mbơ̆ gâp, jêh ri njêng jêh gâp gŭ ta sưng hađăch chiă uănh thoi ntrok păng.

Nau Mprơ Ơm 144:3

Ơ Brah Yêhôva, moh bunuyh jêng, kŏ tât May gĭt ma păng? Moh kon bunuyh jêng, kŏ tât May meng păng?

Kôranh Oh Mon 26:22

Ƀiălah Brah Ndu king n'gang gâp kŏ tât ta nar aơ, jêh ri pôri, gâp dâk ta aơ mbơh nkoch ma bunuyh jê̆ jêh ri bunuyh toyh, Gâp mâu ngơi moh nau êng rlau lơn jêng nau kôranh nơm mbơh lor jêh ri Y-Môis mbơh lor hŏ geh tât jêh:

II Kôrintô 1:10

Păng yơh tâm rklaih jêh he bơh nau khĭt dŭt krit kir kơt nĕ; Păng dôl tâm rklaih hên, jêh ri hên kâp gân ma Păng mra tâm rklaih tay hên.

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Phung Kôranh Phat Dôih 6:15

Y-Gidêôn ơh: “Hơi Kôranh Brah, mâm gâp dơi tâm rklaih phung Israel nây? Aơ, ndŭl mpôl gâp o ach lơn tâm phung Manasê, jêh ri gâp jêng nơm jê̆ lơn tâm ngih gâp.”

I Samuel 7:12

Nôk nây, Y-Samuel sŏk du mlâm lŭ dơm vah vang Mispa jêh ri Sen, ntơ amoh păng Êbenêser, yorlah păng lah: “Brah Yêhôva kơl tâm rklaih jêh he kŏ tât aƀaơ.”

I Samuel 9:21

Y-Sôl lah: “Mâu di hĕ, gâp knŏng jêng du huê phung Benjamin, jêng du ndŭl mpôl jê̆ lơn tâm phung ndŭl mpôl Israel? Ndŭl mpôl gâp jê̆ lê̆ lơn ma lĕ rngôch ndŭl tâm noi deh Benjamin. Pônây, Mâm ƀư may ngơi nau pônây ma gâp?”