I Nau Rêh Jêng 17:12 - Nau Brah Ndu Ngơi 2023

¹² Păng yơh mra ndâk du mlâm ngih brah ma Gâp, jêh ri Gâp mra ăn nâp sưng hađăch păng kŏ tât ƀaƀơ n'ho ro.

I Nau Rêh Jêng 17:12 ပူးပေါင်းရင်းမြစ်များ

I Phung Hađăch 5:5

Yor ri, gâp ŭch ƀư du mlâm ngih brah ma amoh Yêhôva Brah Ndu gâp, tĭng nâm Brah Yêhôva hŏ ntĭnh jêh ma Y-Đavit, mbơ̆ gâp pô aơ: ‘Kon bu klâu may, Gâp mra dơm ta sưng hađăch chiă uănh thoi ntrok may, mra ndâk du mlâm ngih brah ma amoh Gâp.’

I Phung Hađăch 8:19

Ƀiălah, may mâu mra ndâk ngih brah nây ôh, ƀiălah kon may, yor tă bơh may deh păng, mra ndâk ngih brah ma amoh Gâp.’

I Nau Rêh Jêng 17:11

Jêh nây tơlah tât jêh nar may mra khĭt hăn gŭ ndrel ma phung chô yau may, Gâp mra njêng noi deh may, jêng du huê tâm phung kon bu klâu may, n'hao chiă uănh ntrok may; Gâp mra ƀư nâp ktang ma ƀon bri hađăch păng.

I Nau Rêh Jêng 17:13

Gâp mra jêng mbơ̆ păng, păng mra jêng kon Gâp; nau ueh Gâp mâu mra sŏk sĭt lơi ôh ma păng nâm bu Gâp sŏk sĭt jêh tă bơh nơm lor panăp may.

Êsra 5:11

Khân păng plơ̆ lah kơt aơ: ‘Hên jêng phung oh mon Brah Ndu, Kôranh Brah ma trôk jêh ri neh ntu. Hên dôl ndâk nkra đŏng ngih brah aơ, hŏ jŏ năm jêh lor panăp nơh, geh du huê hađăch toyh Israel hŏ ndâk njêng jêh ri ƀư lôch jêh.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Mprơ Ơm 89:29

Gâp mra ƀư ăn noi deh păng hôm n'ho ro Jêh ri sưng hađăch păng mra hôm gŭ rêh nâm bu ăp nar tâm trôk.

Nau Mprơ Ơm 89:4

‘Gâp mra njêng noi deh may mro mrăng, Jêh ri ndâk sưng hađăch nâp n'ho ro.’” (Sêla)

Nau Mprơ Ơm 89:5

Ơ Brah Yêhôva, lĕ ndâr trôk mra mprơ tâm rnê lĕ nau mbên khlay May; Nau răp jăp May ăt dơi mprơ tâm rnê phung kloh ueh.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

I Kôrintô 15:25

Yorlah Păng chiă uănh, tât nôk Brah Ndu “dơm lĕ phung rlăng tâm dâng jâng Păng.”

Kôlôh 2:9

Yorlah lĕ bêng nŭm nau brah tâm mpơl tâm săk jăn Păng dôl geh

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”