I Nau Rêh Jêng 17:11 - Nau Brah Ndu Ngơi 2023

¹¹ Jêh nây tơlah tât jêh nar may mra khĭt hăn gŭ ndrel ma phung chô yau may, Gâp mra njêng noi deh may, jêng du huê tâm phung kon bu klâu may, n'hao chiă uănh ntrok may; Gâp mra ƀư nâp ktang ma ƀon bri hađăch păng.

I Nau Rêh Jêng 17:11 ပူးပေါင်းရင်းမြစ်များ

Nau Ntơm 15:15

Mpeh ma may, may mra sŏk dơn nau ranh ueh maak, jêh nây plơ̆ sĭt đăp mpăn ndrel phung chô yau may tâm môch đăp ueh.

I Phung Hađăch 1:21

Gâp klach lah tơlah hađăch kôranh gâp khĭt gŭ ndrel ma phung chô yau, gâp jêh ri kon bu klâu gâp jêng Y-Salômôn bu mra phat tâm ban phung geh nau tih.”

I Phung Hađăch 2:10

Y-Đavit khĭt ndrel ma phung chô yau păng nơm jêh ri bu tâp păng tâm ƀon Đavit.

I Phung Hađăch 8:19

Ƀiălah, may mâu mra ndâk ngih brah nây ôh, ƀiălah kon may, yor tă bơh may deh păng, mra ndâk ngih brah ma amoh Gâp.’

I Phung Hađăch 8:20

Aƀaơ aơ, Brah Yêhôva hŏ ƀư jêng ngăn jêh nau Păng hŏ ton, yorlah gâp hŏ chiă uănh thoi ntrok Y-Đavit, mbơ̆ gâp, jêh ri gŭ ta sưng hađăch Israel di tĭng nâm Brah Yêhôva hŏ ntăm jêh. Gâp hŏ ndâk jêh ngih brah nây ma amoh Brah Yêhôva, jêng Brah Ndu Phung Israel.

I Nau Rêh Jêng 17:10

tâm ban nôk Gâp dơm jêh phung kôranh phat dôih chiă uănh phung ƀon lan Israel Gâp. Gâp mra ăn lĕ rngôch phung rlăng may plơ̆ lăp may. Gâp tâm ban đŏng mbơh ma may gĭt pô aơ Brah Yêhôva mra ndâk ma may du nau chiă uănh.

I Nau Rêh Jêng 17:12

Păng yơh mra ndâk du mlâm ngih brah ma Gâp, jêh ri Gâp mra ăn nâp sưng hađăch păng kŏ tât ƀaƀơ n'ho ro.

I Nau Rêh Jêng 28:5

Brah Yêhôva ăn jêh ma gâp geh âk kon bu klâu; tâm lĕ rngôch phung kon bu klâu gâp, Păng săch jêh Y-Salômôn, kon gâp, ăn gŭ ta sưng hađăch ƀon bri hađăch Brah Yêhôva chiă uănh phung Israel.

I Nau Rêh Jêng 29:15

Yorlah tanăp măt May, hên jêng phung bu năch jêh ri phung gŭ njưh nâm bu lĕ rngôch phung chô yau hên kăl e. Lĕ nar hên gŭ rêh ta neh ntu nâm bu gui rgăn gơnh, jêh ri mâu geh ôh nau kâp gân.

I Nau Rêh Jêng 29:28

Hađăch khĭt, ranh jŏ rêh jêh ri geh nau mpay tâm nau rêh păng, ma nau ndrŏng jêh ri geh nau bu yơk. Y-Salômôn, kon bu klâu păng, gŭ ta sưng hađăch chiă uănh ntrok păng.

II Nau Rêh Jêng 6:9

Ƀiălah, may mâu mra ndâk ngih brah nây ôh, ƀiălah kon bu klâu may deh, păng mra ndâk ngih brah ma amoh Gâp.’

Nau Mprơ Ơm 132:11

Brah Yêhôva hŏ sân săk jêh ma Đavit, Du nau ton Păng mâu mra rgâl ôh nau tâm rnglăp, pô aơ: “Gâp mra n'gân du huê bơh ndŭl proch may Hao ta klơ sưng hađăch ntrok chiă uănh.

Nau Mprơ Ơm 89:5

Ơ Brah Yêhôva, lĕ ndâr trôk mra mprơ tâm rnê lĕ nau mbên khlay May; Nau răp jăp May ăt dơi mprơ tâm rnê phung kloh ueh.

Yêrêmi 33:17

Brah Yêhôva lah: ‘Y-Đavit mâu mra pưt ôh du huê bunuyh gŭ ta sưng hađăch ngih Israel;

Kôranh Oh Mon 13:36

Ƀiălah jêh pah kan ma nau Brah Ndu ŭch tâm rnôk rô̆ păng nơm, hađăch Đavit lĕ khĭt jêh, bu tâp păng êp ta meng phung chô yau păng nơm jêh ri păng hŏ saơ nau ôm rai jêh;

Kôranh Oh Mon 2:29

Hơi phung oh nâu, gâp dơi ngơi rah vah ma khân may pô aơ chô yau Y-Đavit jêng bunuyh khĭt jêh, bu tâp păng ta môch jêh ri môch păng hôm tât aƀaơ ta nklang phung he.

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.