I Nau Rêh Jêng 16:43 - Nau Brah Ndu Ngơi 2023

⁴³ Lĕ rngôch phung ƀon lan hăn sĭt ma ngih khân păng; bi Y-Đavit sĭt rlet ngih gay ăn nau ueh uĭn ma phung bunuyh tâm ngih păng.

I Nau Rêh Jêng 16:43 ပူးပေါင်းရင်းမြစ်များ

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

I Phung Hađăch 8:66

Lăp nar rơh pham, hađăch ăn phung ƀon lan hăn sĭt. Khân păng ăn nau ueh uĭn ma hađăch jêh nây hăn sĭt rlet ngih vâl khân păng nơm, nuih n'hâm hâk răm ngăn yor lĕ nau ueh Brah Yêhôva hŏ ƀư jêh ma Y-Đavit, oh mon Păng, jêh ri ma Phung ƀon lan Israel Păng.

I Nau Rêh Jêng 17:1

Tơlah Y-Đavit gŭ jêh tâm nau mpăn rlêk ta ngih păng nơm, păng ngơi đah nơm mbơh lor Y-Nathan: “Aơ, gâp gŭ tâm ngih hađăch ƀư ma tơm si sêdar, ƀiălah Hip Nau Tâm Rnglăp Brah Yêhôva gŭ tâm ngih bok.”

Nau Mprơ Ơm 101:2

Gâp mra gŭ rêh ma nau blau mĭn tĭng trong nŭm rĭng; Ndah jŏ May mra văch ma gâp? Gâp mra sŏk nuih n'hâm nanê̆ Gay ma gŭ tâm ngih gâp.

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”