I Nau Rêh Jêng 16:40 - Nau Brah Ndu Ngơi 2023

⁴⁰ ăp kêng ôi jêh ri kêng măng, khân păng nhhơr ndơ ƀư brah gŭch ma Brah Yêhôva ta klơ nơng ƀư brah ndơ ƀư brah gŭch, tĭng di nâm lĕ nau nchih jêh tâm nau vay Brah Yêhôva hŏ ntăm nti jêh ma phung Israel.

I Nau Rêh Jêng 16:40 ပူးပေါင်းရင်းမြစ်များ

II Samuel 8:17

Y-Sadôk, kon Y-Ahitup, jêh ri Y-Ahimêlek, kon Y-Abiathar, jêng phung kôranh ƀư brah; jêh ri Y-Sêraya jêng kôranh nchih samƀŭt;

I Phung Hađăch 18:29

Tơlah nar vet jêh, khân păng ăt om lah thăm rmat tâm ban pônây kŏ tât mông nhhơr ndơ ƀư brah rnih môi kêng mhaơ. Ƀiălah mâu saơ tăng ôh bâr ngơi, mâu geh đŏng nơm plơ̆ lah tay, mâu geh đŏng ôh du huê brah sâm mĭn rvê an.

II Nau Rêh Jêng 2:4

Nar aơ, gâp ntơm ndâk du mlâm ngih brah ma amoh Yêhôva Brah Ndu gâp, prăp êng ngih brah nây jêng kloh ueh ma Păng, gay gŭch ndơ ƀâu kah panăp Păng, nhhơ piăng let nhhơr ƀaƀơ, nhhơr ndơ ƀư brah gŭch ăp kêng ôi jêh ri kêng mhaơ, tâm nar lĕ saƀat, nar rƀŭn khay mhe, mâu lah lĕ nar rƀŭn Yêhôva Brah Ndu ma hên. Nây jêng lĕ du nau vay rƀŭn n'ho ro ma phung Israel.

II Nau Rêh Jêng 31:3

Hađăch sŏk đŏng du kô̆ ndơ păng nơm ƀư ndơ ƀư brah gŭch ma ôi jêh ri mhaơ, jêh ri ndơ ƀư brah gŭch tâm nar Saƀat, ma nar khay mhe jêh ri lĕ nar rƀŭn hŏ tâm nal jêh tĭng nâm bu nchih jêh tâm ndrom samƀŭt nau vay Brah Yêhôva.

Êsra 3:3

Khân păng klach ma phung ƀon lan tâm n'gor nây, pôri ndâk tay nơng ƀư brah ta ntŭk mbon ơm jêh ri nhhơr ta nây ndơ ƀư brah gŭch ma Brah Yêhôva, jêng ndơ ƀư brah gŭch kêng ôi jêh ri kêng mhaơ.

Daniel 9:21

Tơlah gâp dôl nhhơr nau mbơh sơm, pôri Gabriel, nơm gâp saơ jêh tâm nau tâm saơ lor lơn, mpăr ngăch văch ta gâp ta mông bu nhhơr mpa ƀư brah ta mhaơ.

Kan Lêvi 9:17

Jêh nây păng nhhơr ndơ ƀư brah rnih môi. Păng kuak bêng du mbăt ndơ ƀư brah rnih môi jêh ri su păng ta klơ nơng ƀư brah, ndrel ndơ ƀư brah gŭch kêng ôi.

Amôt 4:4

“Hăn hom tât ta ƀon Bêthel jêh ri ƀư tih; Hăn hom ma ƀon Gilgal jêh ri ƀư tih tay! Ăp ôi, djôt tât hom mpa ƀư brah, Jêh ri pe nar du tơ̆ khân may nhhơr du kô̆ tâm jât!