I Nau Rêh Jêng 16:4 - Nau Brah Ndu Ngơi 2023

⁴ Hađăch săch bunuyh Lêvi pah kan tanăp Hip Nau Tâm Rnglăp Brah Yêhôva gay ăn khân păng kuăl mbơh sơm, tâm rnê, jêh ri mât ton ma Yêhôva Brah Ndu Israel:

I Nau Rêh Jêng 16:4 ပူးပေါင်းရင်းမြစ်များ

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Nau Ntơm 33:20

Ta aơ, Y-Yakôb ndâk du mlâm nơng ƀư brah jêh ri rnha amoh jêng Êl Êlôhê Israel.

I Phung Hađăch 8:15

Hađăch lah: “Tâm rnê ngăn ma Yêhôva Brah Ndu phung Israel, Nơm hŏ ton jêh ma Y-Đavit, mbơ̆ gâp, jêh ri sŏk ti Păng nơm ƀư tât di ngăn lĕ rngôch nau nây. Păng lah pô aơ:

I Nau Rêh Jêng 15:16

Tâm ban đŏng Y-Đavit ntĭnh ma phung kôranh Lêvi ăn dơm kan phung oh nâu khân păng jêng phung mprơ mra kreh gong rêng, uh n'hôm, rgu nteh dang ăn huy gay geh bâr nteh hâk răm.

I Nau Rêh Jêng 16:3

Hađăch tâm pă ma lĕ rngôch phung Israel, bu klâu nđâp bu ur, ăp nơm du glo piăng let, du mlay puăch, jêh ri du glo ƀănh play krăk ƀâu kro.

I Nau Rêh Jêng 16:5

Y-Asap jêng kôranh, Y-Sakari jêng nơm rơh bar, jêh nây geh Y-Jêhiêl, Y-Sêmiramôt, Y-Jêliêl, Y-Matithia, Y-Êliap, Y-Bênaya, Y-Ôbet-Êđôm, jêh ri Y-Jêiêl; khân păng geh kan kreh lĕ gong tâm ban gong rêng jêh ri gong rêng loih, bi Y-Asap rgu dang nteh ăn huy ngăn.

I Nau Rêh Jêng 16:8

Mprơ tâm rnê hom ma Brah Yêhôva, jêh ri kuăl mbơh sơm ma amoh Păng, Mbơh hom nau kan Păng ta nklang phung mpôl băl bunuyh!

I Nau Rêh Jêng 24:3

Y-Đavit ndrel ma Y-Sadôk, jêng noi deh Y-Êlêasar, jêh ri Y-Ahimêlek, jêng noi deh Y-Ithamar, tâm pă phung kon sau Y-Arôn jêng âk mbŭch tĭng nâm kan khân păng pah.

I Nau Rêh Jêng 25:1

Y-Đavit jêh ri phung kôranh pah kan tâm ngih brah rnglah êng đŏng phung ƀaƀă kon bu klâu Y-Asap, phung ƀaƀă kon bu klâu Y-Hêman, jêh ri phung ƀaƀă kon bu klâu Y-Jêduthun ma kan mra mbơh lor ndrel ma nau uh n'hôm kreh gong rêng, jêh ri rgu dang nteh. Amoh phung pah kan nây jêh ri kan khân păng pô aơ:

I Nau Rêh Jêng 6:31

Aơ jêng phung bunuyh Y-Đavit dơm kan mprơ tâm ngih Brah Yêhôva, jêh bu tung Hip Nau Tâm Rnglăp gŭ ta nây.

II Nau Rêh Jêng 5:13

Phung uh nŭng nđâp ma phung mprơ ăn bu iăt khân păng tâm rnglăp tâm ban du huê, mât ton tâm rnê ma Brah Yêhôva. Khân păng mprơ ndrel nđâp ma bâr nŭng, bâr rgu dang nteh ăn huy, jêh ri lĕ gong êng, jêh ri mât ton ma Brah Yêhôva pô aơ: “Yorlah Kôranh Brah jêng ueh, Nau ueh Păng hôm tât ƀaƀơ n'ho ro!” Nôk nây, ngih Brah Yêhôva geh bêng tŭk

Êsra 3:10

Tơlah phung ƀư mon mbon ngih Brah Yêhôva, phung kôranh ƀư brah nsoh ao khân păng jêh ri djôt nŭng, bi ma phung Lêvi, kon sau Y-Asap djôt ching ndrup tâm nchâm dâk ta nây gay tâm rnê ma Brah Yêhôva tĭng nâm bu nau Y-Đavit, hađăch phung Israel, hŏ ntăm jêh.

Nêhêmi 12:24

Phung kôranh ndŭl mpôl ma phung Lêvi geh: Y-Hasabia, Y-Sêrêbia jêh ri Y-Jêsua, kon bu klâu Y-Katmiêl jêh ri ma phung oh nâu khân păng dâk tâm tra năp tĭng mbŭch, tĭng mpôl, gay tâm rnê jêh ri lah ueh, tĭng nâm nau ntăm tă bơh Y-Đavit, bunuyh Brah Ndu.

Nau Mprơ Ơm 103:2

Ơ huêng gâp, tâm rnê hom ma Brah Yêhôva, Lơi dĭng chuêl ôh lĕ ntil nau ueh Păng ăn.

Nau Mprơ Ơm 105:5

Ơ noi deh Abraham jêng oh mon Păng, Ơ phung kon sau Y-Yakôb jêng phung Păng săch jêh! Ăn khân may kah gĭt nau kan khlay Păng ƀư jêh, Lĕ nau mbên khlay jêh ri nau phat dôih bơh bâr mbung Păng.

Nau Mprơ Ơm 106:48

Khư mprơ tâm rnê Yêhôva Brah phung Israel, Bơh rnôk n'ho ro saơm tât rnôk n'ho ro nglĕ dŭt! Ăn lĕ rngôch phung ƀon lan lah May lah da dê: “Amen!” Halêluya!

Nau Mprơ Ơm 37:1

Lơi ta rngot may nơm yor phung ƀai ôh, Mâu dơi keh nach lĕ phung ƀư nau mhĭk.

Nau Mprơ Ơm 70:1

Ơ Brah Ndu! Dăn rklaih gâp gơnh; Ơ Brah Yêhôva! dăn gơnh sâm kơl gâp.

Nau Mprơ Ơm 72:18

Khư mprơ tâm rnê ma Yêhôva Brah Ndu jêng Brah Ndu phung Israel. Knŏng du huê Păng ƀư lĕ kan khlay ngăn!