I Nau Rêh Jêng 16:39 - Nau Brah Ndu Ngơi 2023

³⁹ Hađăch dơm đŏng kôranh ƀư brah Y-Sadôk jêh ri phung oh nâu păng jêng phung kôranh ƀư brah pah kan panăp Ngih Bok Brah Yêhôva tâm ntŭk prêh klơ ta Gibêôn;

I Nau Rêh Jêng 16:39 ပူးပေါင်းရင်းမြစ်များ

II Samuel 8:17

Y-Sadôk, kon Y-Ahitup, jêh ri Y-Ahimêlek, kon Y-Abiathar, jêng phung kôranh ƀư brah; jêh ri Y-Sêraya jêng kôranh nchih samƀŭt;

I Phung Hađăch 1:8

Ƀiălah kôranh ƀư brah Y-Sadôk, Y-Bênaya kon Y-Jêhôida, nơm mbơh lor Y-Nathan, Y-Simei, Y-Rei, jêh ri phung tahan janh ktang Y-Đavit mâu ŭch tĭng mpeh Y-Adônija.

I Phung Hađăch 3:4

Hađăch hăn tât ta Gibêôn gay nhhơr mpa ƀư brah ta nây, yorlah nây jêng ntŭk prêh klơ khlay rlau lơn. Ta klơ nơng ƀư brah nây, Y-Salômôn nhhơr du rbăn mpa ƀư brah ƀư ndơ ƀư brah gŭch.

I Nau Rêh Jêng 12:28

Y-Sadôk, jêng du tahan ndăm janh ktang, jêh ri bar jât ma bar nuyh êng tâm noi deh păng jêng kôranh chiă uănh.

I Nau Rêh Jêng 15:11

Y-Đavit kuăl jă phung kôranh ƀư brah Y-Sadôk, Y-Abiathar, jêh ri phung Lêvi jêng Y-Uriêl, Y-Asaya, Y-Yôel, Y-Sêmaya, Y-Êliêl, jêh ri Y-Aminadap.

I Nau Rêh Jêng 21:29

Yorlah nôk nây Ngih Bok Brah Yêhôva Y-Môis hŏ ndâk jêh tâm bri rdah jêh ri nơng ƀư brah nhhơr ndơ ƀư brah gŭch ăt hôm gŭ ta ntŭk prêh ta Gibêôn.

II Nau Rêh Jêng 1:13

Luh bơh Ngih Bok Nau Tâm Rƀŭn ta ntŭk prêh klơ tâm Gibêôn, Y-Salômôn plơ̆ sĭt ma Yêrusalem jêh ri păng chiă uănh phung Israel.