I Nau Rêh Jêng 16:31 - Nau Brah Ndu Ngơi 2023

³¹ Ăn lĕ ndâr trôk maak hom jêh ri neh ntu hâk răm! Tâm lĕ bri dak, bu nter lah: “Brah Yêhôva chiă uănh!”

I Nau Rêh Jêng 16:31 ပူးပေါင်းရင်းမြစ်များ

I Nau Rêh Jêng 16:30

Ơ lĕ rngôch phung neh ntu, râm nsâr hom tanăp Păng! Neh ntu dơi ndâk nâp ngăn ngên, mâu dơi mpât n'gơ ôh.

Nau Mprơ Ơm 145:1

Ơ Brah Ndu jêng Hađăch gâp, gâp mra yơk tâm rnê ma May, Mât ton ma amoh May tât ƀaƀơ n'ho ro.

Nau Mprơ Ơm 19:1

Lĕ rngôch ndâr trôk mbơh nau chrêk rmah Brah Ndu. Trôk tâm mpơl kan ti Păng ƀư.

Nau Mprơ Ơm 47:8

Brah Ndu chiă uănh lĕ rngôch bri dak, Brah Ndu gŭ ta klơ sưng hađăch kloh ueh Păng.

Nau Mprơ Ơm 89:5

Ơ Brah Yêhôva, lĕ ndâr trôk mra mprơ tâm rnê lĕ nau mbên khlay May; Nau răp jăp May ăt dơi mprơ tâm rnê phung kloh ueh.

Nau Mprơ Ơm 96:10

Mbơh hom ta nklang lĕ bri dak pô aơ: “Brah Yêhôva chiă uănh! Neh ntu dơi ndâk nâp, mâu dơi mpât n'gơ ôh. Păng mra phat dôih lĕ mpôl băl bunuyh tĭng nâm nau di.”

Nau Mprơ Ơm 97:1

Nau Brah Yêhôva chiă uănh! Ơ neh ntu, hâk maak hom! Ơ lĕ rngôch gôl dak mƀŭt, maak răm hom!

Nau Mprơ Ơm 98:4

Ơ lĕ rngôch neh ntu, sŏk hom bâr troh maak ma Brah Yêhôva, Jêh ri mprơ mât ton ma Păng.

Nau Mprơ Ơm 99:1

Brah Yêhôva chiă uănh! Lĕ mpôl băl bunuyh râm sâr hom; Păng gŭ klơ phung Chêrubim; neh ntu geh nau mpât n'gơ.

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Luka 15:10

Kơt nây đŏng, Gâp lah ma khân may, phung tông mpăr Brah Ndu mra răm maak ma du huê bunuyh tih rmal nau tih.”

Luka 2:10

Ƀiălah tông mpăr lah ma khân păng: “Lơi klach ôh! Aơ, gâp mbơh ma khân may du Nau Mhe Mhan Ueh, aơ mra jêng nau răm maak toyh ma lĕ rngôch bunuyh.

Nau Tâm Mpơl 19:6

Jêh nây gâp tăng geh nteh nâm bu nteh du mpôl bunuyh âk ngăn, nâm bu nteh n'gôr âk n'hong dak, nâm bu nteh nglaih ktang, lah: “Halêluya! Yorlah Kôranh Brah he jêng Brah Ndu Geh Lĕ Nau Brah chiă uănh.