I Nau Rêh Jêng 16:14 - Nau Brah Ndu Ngơi 2023

¹⁴ Păng yơh jêng Yêhôva Brah Ndu he; Nau phat dôih Păng ƀư ma lĕ rngôch bri ta neh ntu.

I Nau Rêh Jêng 16:14 ပူးပေါင်းရင်းမြစ်များ

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

I Nau Rêh Jêng 16:12

Kah gĭt tay hom lĕ nau kan khlay Păng hŏ ƀư, Lĕ nau mbên jêh ri nau phat dôih bơh bâr mbung Păng,

I Nau Rêh Jêng 16:13

Hơi phung noi deh Y-Israel jêng oh mon păng! Hơi phung kon sau Y-Yakôb jêng phung Păng săch jêh!

I Nau Rêh Jêng 16:15

Kah gĭt hom nau tâm rnglăp Păng n'ho ro, Rbăn rô̆ lơi chuêl ma nau Păng ntĭm nti;

Nau Mprơ Ơm 100:3

Ăn gĭt pô aơ Yêhôva jêng Brah Ndu. Păng yơh njêng jêh he, he jêng ndơ Păng; He jêng phung ƀon lan Păng, jêng phung biăp tâm ndrêch gơ̆ Păng.

Nau Mprơ Ơm 118:28

May jêng Brah Ndu gâp, gâp mra tâm rnê ma May; May jêng Brah Ndu gâp, gâp mra yơk ma May.

Nau Mprơ Ơm 63:1

Ơ Brah Ndu, May jêng Brah Ndu gâp, Gâp joi May ma lĕ nuih n'hâm Tâm ban ma ntŭk neh sơh, đang, mâu geh dak. Huêng gâp ji hir ma May, Săk jăn gâp ŭch rŏng May.

Nau Mprơ Ơm 95:7

Yorlah Păng jêng Brah Ndu he: He jêng phung ƀon lan tâm ndrêch gơ̆ nse Păng Jêh ri jêng phung biăp ti Păng têk ndrêng. Nar aơ tơlah khân ay may iăt bâr Păng,

Nau Ngluh Êjipt 15:2

Brah Yêhôva jêng nau dăng jêh ri jêng nau gâp mprơ: Păng jêng Nơm tâm rklaih gâp. Păng jêng Brah Ndu gâp, gâp tâm rnê ma Păng; Jêng Brah Ndu chô yau gâp, gâp yơk mbah ma Păng.

Êsai 26:9

Dôl măng huêng gâp ji hir ma May; Ơ, nuih n'hâm gâp nđơr ŭch joi May. Yorlah nau May phat dôih ƀư jêh ta neh Phung gŭ tâm neh ntu nti gĭt nau sŏng srăng.