I Nau Rêh Jêng 15:3 - Nau Brah Ndu Ngơi 2023

³ Y-Đavit tâm rƀŭn lĕ rngôch phung Israel ta ƀon Yêrusalem, gay tung leo Hip Nau Tâm Rnglăp Brah Yêhôva ma ntŭk păng dăp nkra jêh.

I Nau Rêh Jêng 15:3 ပူးပေါင်းရင်းမြစ်များ

II Samuel 6:12

Bu mbơh ma hađăch Y-Đavit, “Brah Yêhôva hŏ ăn jêh nau ueh uĭn ma ngih Ôbet-Êđôm jêh ri lĕ ndơ păng geh yor hip Brah Ndu.” Pôri, Y-Đavit hăn vơt Hip Nau Tâm Rnglăp Brah Ndu ta ngih Y-Ôbet-Êđôm plơ̆ sĭt ma ƀon Đavit ma nau răm maak.

II Samuel 6:17

Pônây, khân păng djôt leo Hip Nau Tâm Rnglăp Brah Yêhôva lăp dơm ta nklang ngih bok Y-Đavit hŏ ndâk jêh; jêh nây Y-Đavit nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Yêhôva.

I Phung Hađăch 8:1

Nôk nây, hađăch Salômôn kuăl rgum phung bu ranh Israel, lĕ rngôch phung kôranh ndŭl mpôl jêh ri kôranh rnăk vâl phung ƀon lan Israel plơ̆ sĭt ta Yêrusalem, gay tung Hip Nau Tâm Rnglăp Brah Yêhôva tă bơh ƀon Đavit, jêng Siôn.

I Nau Rêh Jêng 13:2

Y-Đavit lah ma lĕ rngôch phung Israel tâm rƀŭn: “Tơlah khân may saơ nau aơ jêng ueh jêh ri tât jêh bơh Yêhôva Brah Ndu he, gâp mra prơh bunuyh văch ta ma phung oh nâu he hôm e tâm lam n'gor Israel, nđâp ma phung kôranh ƀư brah jêh ri phung Lêvi gŭ tâm lĕ ƀon geh ndrêch gơ̆ văr jŭm, gay jă ma khân păng văch tâm rƀŭn ndrel ma he.

I Nau Rêh Jêng 13:5

Y-Đavit tâm rƀŭn lĕ rngôch phung Israel, ntơm bơh Sihôr tâm n'gor bri Êjipt tât ma ntŭk lăp ƀon Hamat, gay tung leo Hip Nau Tâm Rnglăp Brah Ndu plơ̆ sĭt tă bơh Kiriat-Jêarim.

I Nau Rêh Jêng 15:1

Y-Đavit ndâk ngih ma păng nơm tâm ƀon Đavit lôch jêh, păng ndrăp nkra du ntŭk jêh ri ndâk du mlâm ngih bok ma Hip Nau Tâm Rnglăp Brah Ndu.

I Nau Rêh Jêng 15:12

Hađăch lah ma khân păng: “Khân may jêng kôranh ma phung noi deh Lêvi. Pônây, ƀư kloh hom khân may nơm jêh ri phung oh nâu khân may, pôri khân may dơi tung Hip Nau Tâm Rnglăp Yêhôva Brah Ndu Israel ma ntŭk gâp dăp nkra jêh.

I Nau Rêh Jêng 16:1

Khân păng tung Hip Nau Tâm Rnglăp Brah Ndu lăp dơm ta nklang ngih bok Y-Đavit hŏ ndâk jêh. Jêh nây khân păng nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Ndu.

II Nau Rêh Jêng 1:2

Y-Salômôn kuăl rgum ma lĕ rngôch phung Israel, ma phung kôranh chiă uănh toyh du rbăn nuyh tahan jêh ri du rhiăng nuyh tahan, ma phung kôranh phat dôih jêh ri lĕ rngôch kôranh ndŭl mpôl jêng phung kôranh chiă uănh phung Israel.

II Nau Rêh Jêng 1:4

(Ƀiălah Y-Đavit hŏ tung leo jêh Hip Nau Tâm Rnglăp Brah Ndu tă bơh Kiriat-Jêarim tât ma ntŭk Y-Đavit hŏ ndrăp nkra jêh ăn ma hip, yorlah păng hŏ ndâk jêh du mlâm ngih bok ma Hip Nau Tâm Rnglăp ta ƀon Yêrusalem).

II Nau Rêh Jêng 5:2

Y-Salômôn kuăl rgum phung bu ranh Israel, kôranh phung ndŭl mpôl jêh ri phung noi deh tâm phung Israel gŭ tâm ƀon Yêrusalem gay tung Hip Nau Tâm Rnglăp Brah Yêhôva tă bơh ƀon Đavit, jêng Siôn, tât ta ngih brah.

Nau Ngluh Êjipt 40:20

Păng sŏk Rlat Nau Tâm Rnglăp dơm tâm hip, nsro mâng tung, dơm ndrŭp nau yô̆ ta klơ

Kan Lêvi 9:5

Khân păng njŭn tanăp Ngih Bok Nau Tâm Rƀŭn lĕ rngôch ndơ Y-Môis hŏ ntăm jêh, jêh ri lĕ rngôch phung tâm rƀŭn văch dăch jêh ri dâk tanăp Brah Yêhôva.