I Nau Rêh Jêng 15:28 - Nau Brah Ndu Ngơi 2023

²⁸ Pôri, lĕ rngôch Israel njŭn leo Hip Nau Tâm Rnglăp Brah Yêhôva ma nau troh nter, ma bâr nŭng, bâr rgu dang nteh ăn huy ngăn nđâp ma bâr gong rêng jêh ri gong rêng loih.

I Nau Rêh Jêng 15:28 ပူးပေါင်းရင်းမြစ်များ

II Samuel 6:15

Pônây, Y-Đavit jêh ri lĕ rngôch Israel njŭn leo Hip Nau Tâm Rnglăp Brah Yêhôva plơ̆ sĭt tâm nau troh nter răm rhơn jêh ri ma bâr nŭng huy ngăn.

II Samuel 6:5

Y-Đavit jêh ri lĕ rngôch ngih Israel kdŏ mprơ tanăp Brah Yêhôva ma lĕ ntil gong ƀư ma si sêdar, gong rêng, gong rêng loih, gâr jê̆, ndơ kreh lât ma nglau ti jêh ri ching ndrup tâm nchâm.

I Nau Rêh Jêng 13:8

Y-Đavit jêh ri lĕ rngôch phung Israel hâk răm âk ngăn, pâl ntalơ̆ tanăp Brah Ndu ma nau mprơ, kreh gong rêng loih, gong rêng, gâr jê̆, ching ndrup tâm nchâm, jêh ri uh nŭng.

I Nau Rêh Jêng 15:16

Tâm ban đŏng Y-Đavit ntĭnh ma phung kôranh Lêvi ăn dơm kan phung oh nâu khân păng jêng phung mprơ mra kreh gong rêng, uh n'hôm, rgu nteh dang ăn huy gay geh bâr nteh hâk răm.

I Nau Rêh Jêng 15:24

Y-Sêbania, Y-Jôsaphat, Y-Nêthanel, Y-Amasai, Y-Sakari, Y-Bênaya, jêh ri Y-Êliêser jêng phung kôranh ƀư brah mra uh nŭng tanăp Hip Nau Tâm Rnglăp Brah Ndu; Bi Y-Ôbet-Êđôm jêh ri Y-Jêhia tâm ban đŏng jêng phung mât njrăng mpông pêr ma Hip Nau Tâm Rnglăp.

I Nau Rêh Jêng 15:27

Y-Đavit jêh ri lĕ rngôch phung Lêvi tung Hip Nau Tâm Rnglăp, phung mprơ jêh ri kôranh ma phung mprơ jêng Y-Kênania nsoh da dê ao jâr bok mhay rhên. Y-Đavit nsoh tay êphôt ƀư ma bok mhay.

I Nau Rêh Jêng 15:29

Dôl Hip Nau Tâm Rnglăp Brah Yêhôva tât ma ƀon Đavit, ur hađăch jêng H'Mikal, kon bu ur Y-Sôl, n'gơr uănh ta mpông bloh jêh ri saơ hađăch Đavit pâl ntalơ̆ răm maak, tâm trôm nuih n'hâm păng mưch ma hađăch.

I Nau Rêh Jêng 25:1

Y-Đavit jêh ri phung kôranh pah kan tâm ngih brah rnglah êng đŏng phung ƀaƀă kon bu klâu Y-Asap, phung ƀaƀă kon bu klâu Y-Hêman, jêh ri phung ƀaƀă kon bu klâu Y-Jêduthun ma kan mra mbơh lor ndrel ma nau uh n'hôm kreh gong rêng, jêh ri rgu dang nteh. Amoh phung pah kan nây jêh ri kan khân păng pô aơ:

Nêhêmi 12:27

Tâm nar nau rƀŭn nhhơr lĕ mpêr ƀon Yêrusalem, bu prơh bunuyh kuăl phung Lêvi gŭ lam ntŭk, gay leo khân păng hăn rlet ƀon Yêrusalem, gay râng nau rƀŭn nhhơr tâm nau hâk răm, geh nau tâm rnê jêh ri bâr mprơ tâm rnê nđâp ma bâr ching ndrup tâm nchâm, gong rêng jêh ri gong rêng kreh.

Nau Mprơ Ơm 47:6

Mprơ tâm rnê hom ma Brah Ndu, ăn mprơ hom! Mprơ tâm rnê hom ma Hađăch hên, ăn mprơ hom!

Nau Mprơ Ơm 68:25

Phung mprơ hăn lor, phung kreh gong rêng tĭng groi kơi, Tâm nklang jêng phung bu ur dong gâr jê̆ goh gâr.