I Nau Rêh Jêng 15:26 - Nau Brah Ndu Ngơi 2023

²⁶ Brah Ndu kơl jêh phung Lêvi tung Hip Nau Tâm Rnglăp Brah Yêhôva, khân păng nhhơr pơh mlâm ndrôk nkuăng jêh ri pơh mlâm biăp nkuăng ƀư mpa ƀư brah.

I Nau Rêh Jêng 15:26 ပူးပေါင်းရင်းမြစ်များ

II Samuel 6:13

Tơlah phung bunuyh tung Hip Nau Tâm Rnglăp Brah Ndu hŏ hăn chuat jêh prao nhuat, Y-Đavit nhhơr du mlâm ndrôk jêh ri du mlâm mpô mpa lay ueh ƀư mpa ƀư brah.

I Nau Rêh Jêng 29:14

Ƀiălah mbu gâp jêng jêh ri mbu phung ƀon lan gâp jêng dĭng hên dơi nhhơr ma nuih n'hâm lŏng tâm ban pô aơ? Yorlah lĕ rngôch ndơ luh bơh Kôranh Brah, jêh ri lĕ ndơ hên nhhơr ma May jêng ndơ May nơm.

Ndrom Samƀŭt bơh Yôp 42:8

Pôri aƀaơ, khân may sŏk hom pơh mlâm ndrôk nkuăng jêh ri pơh mlâm biăp nkuăng jêh nây hăn mâp Y-Yôp, jêng oh mon Gâp. Yorlah khân may nơm yơh ăn khân may nhhơr mpa ƀư brah gŭch, jêh nây Y-Yôp, oh mon Gâp, mra mbơh sơm ma khân may. Gâp mra dơn nau Y-Yôp jêh ri mâu rmal ôh ma khân may tĭng nâm nau rluk khân may; yorlah khân may mâu ngơi nau di ma Gâp nâm bu Y-Yôp, oh mon Gâp, hŏ ngơi jêh.”

Êsêkiêl 45:23

Tâm pơh nar năng rƀŭn, ăp nar hađăch ndrăp pơh mlâm ndrôk nkuăng jêh ri pơh mlâm biăp nkuăng mâu geh ntŭk mhĭk ôh ƀư brah gŭch ăn ma Brah Yêhôva tâm pơh nar, jêh ri ăp nar du mlâm be nkuăng ƀư ndơ brah chuai nau tih.

Nau Kơp Bunuyh 23:29

Y-Balaam lah ma Y-Balak: “Ndâk hom ta aơ ma gâp pơh mlâm nơng ƀư brah jêh ri ndrăp lor ta aơ ma gâp pơh mlâm ndrôk nkuăng jêh ri pơh mlâm biăp nkuăng.”

Nau Kơp Bunuyh 29:32

Ta nar tal pơh, khân may nhhơr hom pơh mlâm ndrôk nkuăng, bar mlâm biăp nkuăng, jêh ri jât ma puăn mlâm biăp kon nkuăng bêng du năm mâu geh têl khap.

Kôranh Oh Mon 26:22

Ƀiălah Brah Ndu king n'gang gâp kŏ tât ta nar aơ, jêh ri pôri, gâp dâk ta aơ mbơh nkoch ma bunuyh jê̆ jêh ri bunuyh toyh, Gâp mâu ngơi moh nau êng rlau lơn jêng nau kôranh nơm mbơh lor jêh ri Y-Môis mbơh lor hŏ geh tât jêh:

II Kôrintô 2:16

Ma phung bunuyh geh nau rai yot, hên jêng ndơ ƀâu nau khĭt, njŭn leo tât nau khĭt; ma phung bunuyh geh nau tâm rklaih, hên jêng ƀâu nau rêh, njŭn leo tât nau rêh. Mbu nơm jêng bunuyh dơi ƀư lĕ nau aơ?

II Kôrintô 3:5

Mâu di hên geh nau blau gay mĭn ma hên dơi ƀư du ntil nau ôh, ƀiălah nau blau hên luh bơh Brah Ndu.

I Samuel 7:12

Nôk nây, Y-Samuel sŏk du mlâm lŭ dơm vah vang Mispa jêh ri Sen, ntơ amoh păng Êbenêser, yorlah păng lah: “Brah Yêhôva kơl tâm rklaih jêh he kŏ tât aƀaơ.”