I Nau Rêh Jêng 15:25 - Nau Brah Ndu Ngơi 2023

²⁵ Pôri, Y-Đavit jêh ri phung bu ranh Israel jêh ri phung kôranh ma du rbăn nuyh tahan hăn hao ngih Y-Ôbet-Êđôm, hăn vơt Hip Nau Tâm Rnglăp Brah Yêhôva plơ̆ sĭt tâm nau răm maak.

I Nau Rêh Jêng 15:25 ပူးပေါင်းရင်းမြစ်များ

I Phung Hađăch 8:1

Nôk nây, hađăch Salômôn kuăl rgum phung bu ranh Israel, lĕ rngôch phung kôranh ndŭl mpôl jêh ri kôranh rnăk vâl phung ƀon lan Israel plơ̆ sĭt ta Yêrusalem, gay tung Hip Nau Tâm Rnglăp Brah Yêhôva tă bơh ƀon Đavit, jêng Siôn.

II Nau Rêh Jêng 1:4

(Ƀiălah Y-Đavit hŏ tung leo jêh Hip Nau Tâm Rnglăp Brah Ndu tă bơh Kiriat-Jêarim tât ma ntŭk Y-Đavit hŏ ndrăp nkra jêh ăn ma hip, yorlah păng hŏ ndâk jêh du mlâm ngih bok ma Hip Nau Tâm Rnglăp ta ƀon Yêrusalem).

II Nau Rêh Jêng 5:2

Y-Salômôn kuăl rgum phung bu ranh Israel, kôranh phung ndŭl mpôl jêh ri phung noi deh tâm phung Israel gŭ tâm ƀon Yêrusalem gay tung Hip Nau Tâm Rnglăp Brah Yêhôva tă bơh ƀon Đavit, jêng Siôn, tât ta ngih brah.

Êsra 6:16

Phung ƀon lan Israel, phung kôranh ƀư brah, phung Lêvi, jêh ri lĕ rngôch phung êng lĕ plơ̆ sĭt tă ƀư bu nă, văch râng da dê nau rƀŭn nhhơr ngih brah ma Brah Ndu bêng ma nau hâk răm.

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Nau Kơp Bunuyh 31:14

Y-Môis ji nuih ma phung kôranh tahan gak jêng phung kôranh mhe plơ̆ sĭt tă tâm lơh, jêng phung kôranh chiă uănh ma du rbăn tahan jêh ri phung kôranh chiă uănh ma du rhiăng tahan.

Nau Vay Nkah Tay 1:15

Pôri gâp hŏ săch jêh lĕ phung blau mĭn, gĭt rbăng tâm lĕ ndŭl mpôl jêh ri ndâk khân păng jêng phung kôranh ma khân may, chiă uănh ma rbăn nuyh, rhiăng nuyh, prăm jât nuyh mâu lah ma jât nuyh, jêh ri ndâk đŏng phung kôranh ma ăp ndŭl mpôl khân may.

Nau Vay Nkah Tay 12:18

Ƀiălah ăn khân may sa lĕ ndơ nây tanăp Yêhôva Brah Ndu ta ntŭk Păng lĕ săch, nđâp ma kon bu klâu, kon bu ur, nơm kơl kan bu klâu jêh ri nơm kơl bu ur jêh ri phung Lêvi gŭ tâm ƀon toyh khân may, jêh ri khân may mra hâk răm tanăp Yêhôva Brah Ndu tâm lĕ nau kan khân may hŏ ƀư jêh.

Nau Vay Nkah Tay 12:7

Ta nây, tanăp muh măt Yêhôva Brah Ndu, khân may mra nhêt sa nđâp ma phung tâm vâl khân may jêh ri hâk răm ma lĕ rngôch kan ti khân may nơm ƀư, yor Yêhôva Brah Ndu hŏ ăn jêh nau ueh uĭn ma khân may.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Nau Vay Nkah Tay 16:15

Tâm pơh nar ăn khân may djôt prăp nau rƀŭn aơ ma Yêhôva Brah Ndu khân may ta ntŭk Yêhôva mra săch, yorlah Yêhôva Brah Ndu khân may mra ăn nau ueh uĭn ma lĕ play do nđâp lĕ nau kan ti khân may ƀư, jêh ri khân may mra răm maak ndrel.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!

I Samuel 10:19

Nar aơ khân may dun jêh ma Brah Ndu khân may, jêng Nơm tâm rklaih jêh khân may tă bơh lĕ rngôch nau mhĭk jêh ri nau o ach. Khân may hŏ lah jêh ma Păng pô aơ: ‘Dăn ndâk hom du huê hađăch chiă uănh hên!’ Pôri aƀaơ, tâm mpơl măt hom tanăp măt Brah Yêhôva tĭng ăp ndŭl mpôl jêh ri ăp ngih mbơ̆ khân may.”

I Samuel 22:7

Y-Sôl lah ma phung oh mon dâk jŭm êp păng: “Hơi phung Benjamin, iăt hom! Di lĕ kon Y-Yêsê mra ăn lĕ ma khân may lĕ mir jêh ri đang krăk ƀâu? Khân may kâp gân păng mra n'hao kan ma khân may jêng kôranh chiă uănh toyh ma rbăn nuyh jêh ri ma rhiăng nuyh lĕ?

I Samuel 8:12

Păng mra njêng ma khân păng ƀư kôranh chiă uănh toyh du rbăn nuyh mâu lah kôranh chiă uănh toyh ma prăm jât nuyh, mâu lah đă khân păng chuar lŏ, kăch roih, njêng ndơ tâm lơh jêh ri lĕ ndơ dŏng ma ndeh seh hađăch.