I Nau Rêh Jêng 15:15 - Nau Brah Ndu Ngơi 2023

¹⁵ Phung Lêvi sŏk mâng tung Hip Nau Tâm Rnglăp Brah Ndu ta săng nglik khân păng, di nâm nau Brah Yêhôva hŏ ntăm nti jêh ma Y-Môis.

I Nau Rêh Jêng 15:15 ပူးပေါင်းရင်းမြစ်များ

II Samuel 6:12

Bu mbơh ma hađăch Y-Đavit, “Brah Yêhôva hŏ ăn jêh nau ueh uĭn ma ngih Ôbet-Êđôm jêh ri lĕ ndơ păng geh yor hip Brah Ndu.” Pôri, Y-Đavit hăn vơt Hip Nau Tâm Rnglăp Brah Ndu ta ngih Y-Ôbet-Êđôm plơ̆ sĭt ma ƀon Đavit ma nau răm maak.

II Samuel 6:13

Tơlah phung bunuyh tung Hip Nau Tâm Rnglăp Brah Ndu hŏ hăn chuat jêh prao nhuat, Y-Đavit nhhơr du mlâm ndrôk jêh ri du mlâm mpô mpa lay ueh ƀư mpa ƀư brah.

I Phung Hađăch 8:8

Lĕ mâng tung nây jong ngăn ntơm bơh Ntŭk Kloh panăp Ntŭk Dŭt Kloh Ueh, kŏ tât bu dơi saơ chiông lĕ mâng tung, ƀiălah tă bơh padih bu mâu dơi saơ ôh. Lĕ mâng tung nây ăt hôm ta nây kŏ tât ta nar aơ.

I Nau Rêh Jêng 13:10

Brah Yêhôva hao ji nuih ma Y-Usa jêh ri rmal păng, yorlah păng yơr ti kuăn ta Hip Nau Tâm Rnglăp. Yor ri, păng khĭt ta nây ro tanăp Brah Ndu.

II Nau Rêh Jêng 5:9

Lĕ mâng tung nây jong ngăn, pôri ta panăp jrô tâm trôm, bu knŏng saơ lĕ chiông mâng rho dih ri Hip Nau Tâm Rnglăp, ƀiălah padih bu mâu dơi saơ ndơ nây ôh. Hip Nau Tâm Rnglăp ăt hôm ta nây kŏ tât ta nar aơ.

Nau Ngluh Êjipt 40:20

Păng sŏk Rlat Nau Tâm Rnglăp dơm tâm hip, nsro mâng tung, dơm ndrŭp nau yô̆ ta klơ

Nau Kơp Bunuyh 4:15

Lah jêh Y-Arôn jêh ri phung kon bu klâu păng hŏ nkŭm jêh ntŭk kloh ueh jêh ri lĕ ndơ dŏng kloh ueh lôch jêh, jêh ri dôl phung ƀon lan ndrăp jêh hăn du luh, phung kon bu klâu Y-Kôhat văch hom tung lĕ ndơ dŏng, ƀiălah khân păng mâu dơi mpât ôh tât lĕ ndơ kloh ueh, klach lah khân păng mra khĭt. Nây jêng lĕ ndơ dŏng tâm Ngih Bok Nau Tâm Rƀŭn ma phung kon bu klâu Y-Kôhat mra tung hom.

Nau Kơp Bunuyh 7:9

Ƀiălah păng mâu ăn moh ndơ ôh ma phung kon sau Y-Kôhat, yorlah ăn khân păng djôt kan chiă uănh lĕ ndơ kloh ueh khân păng tung ta klơ săng nglik khân păng nơm.

Nau Vay Nkah Tay 10:8

Dôl nây, Brah Yêhôva prăp êng ndŭl mpôl Lêvi tung Hip Nau Tâm Rnglăp bơh Brah Yêhôva, gŭ tanăp Brah Yêhôva, gay pah kan ma Păng jêh ri sŏk amoh Păng gay ăn nau ueh uĭn, kŏ tât ta nar aơ.