I Nau Rêh Jêng 14:10 - Nau Brah Ndu Ngơi 2023

¹⁰ Y-Đavit ôp ma Brah Ndu: “Di lĕ gâp dơi hăn tâm lơh đah phung Philistin? Kôranh Brah mra jao khân păng tâm ti gâp lĕ?” Brah Yêhôva plơ̆ lah: “Hăn lơh hom, Gâp mra jao khân păng tâm ti may.”

I Nau Rêh Jêng 14:10 ပူးပေါင်းရင်းမြစ်များ

II Samuel 2:1

Jêh nau nây, Y-Đavit ôp ma Brah Yêhôva: “Gâp dơi lĕ hăn ma du ƀon tâm ăp rplay ƀon tâm n'gor Yuđa?” Brah Yêhôva plơ̆ lah: “Hăn hao hom.” Y-Đavit lup tay: “Moh ƀon gâp mra hăn?” Brah Yêhôva plơ̆ lah: “Ƀon Hêbron.”

II Samuel 5:19

Rnôk nây, Y-Đavit ôp ma Brah Yêhôva: “Di lĕ gâp dơi hăn tâm lơh đah phung Philistin? May mra jao khân păng tâm ti gâp lĕ?” Brah Yêhôva plơ̆ lah ma Y-Đavit: “Hăn hao hom, yorlah n'hêl nanê̆ Gâp mra jao phung Philistin tâm ti may.”

II Samuel 5:23

Tơlah Y-Đavit ôp ma Brah Yêhôva, Păng lah: “May lơi hăn hao ôh; hăn ndăch dăr hom pakơi khân păng, jêh nây may mra rduh lơh khân păng rlet mpeh tơm si balsam.

I Phung Hađăch 22:6

Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

I Nau Rêh Jêng 13:3

Jêh nây he mra tung leo Hip Nau Tâm Rnglăp Brah Ndu he plơ̆ sĭt ma he, yorlah tâm rnôk Y-Sôl, he mâu hăn tât panăp Hip Nau Tâm Rnglăp gay ôp ma Brah Ndu.”

I Nau Rêh Jêng 14:11

Phung tahan Philistin hăn hao ma Baal-Pêrisim, jêh ri Y-Đavit dơi đah khân păng ta nây. Y-Đavit lah: “Brah Ndu hŏ dŏng ti gâp ƀư rai jêh phung rlăng gâp nâm bu dak lip!” Yor ri, bu ntơ ntŭk aơ jêng Baal Pêrasim.

I Nau Rêh Jêng 14:14

Y-Đavit ôp ma Brah Ndu, jêh ri Brah Ndu lah ma păng: “May lơi hăn hao tĭng ôh khân păng. Hăn hao ndăch dăr jêh ri rduh lơh khân păng ntŭk panăp tơm si balsam.

I Nau Rêh Jêng 14:9

Phung Philistin văch gay ŭch sŏk gro ndô ndơ tâm rlŭng Rêphaim.

Nau Hôr 3:6

Kah gĭt hom ma Păng tâm lĕ trong may hăn, Păng yơh mra ƀư lâng tâm lĕ trong may hăn.

I Samuel 30:8

Y-Đavit ôp ma Brah Yêhôva: “Gâp mra hăn tĭng phung tahan nây lĕ? Gâp mra tĭng ban lĕ khân păng?” Brah Yêhôva lah: “Hăn tĭng hom khân păng, nanê̆ ngăn may mra ban, jêh ri rklaih lĕ phung bu nhŭp.”