I Nau Rêh Jêng 14:1 - Nau Brah Ndu Ngơi 2023

¹ Y-Hiram, hađăch ƀon Tyre, prơh phung mbơh djôt leo phung ndâk lŭ, phung trah si nđâp âk tơm si sêdar tât gay rdâk ma hađăch Đavit du ngih hađăch.

I Nau Rêh Jêng 14:1 ပူးပေါင်းရင်းမြစ်များ

II Samuel 7:2

pôri hađăch ngơi đah nơm mbơh lor Y-Nathan: “Uănh hom, gâp gŭ tâm ngih hađăch ƀư ma tơm si sêdar, ƀiălah Hip Nau Tâm Rnglăp Brah Ndu gŭ tâm ngih bok.”

I Phung Hađăch 5:1

Tơlah tăng lư ma Y-Salômôn hŏ bu tŏ jêh dak ƀâu kah gŭ ta sưng hađăch chiă uănh thoi ntrok mbơ̆ păng, hađăch Tyre jêng Y-Hiram prơh phung oh mon păng nơm hăn tât ma Y-Salômôn, yorlah Y-Hiram ăt rŏng ƀaƀơ ma Y-Đavit.

I Phung Hađăch 5:15

Y-Salômôn geh pơh rmưn bunuyh tung ndơ jâk jêh ri pham rmưn bunuyh châm trah lŭ ta klơ yôk.

I Phung Hađăch 5:18

Phung pah kan ma Y-Salômôn jêh ri ma Y-Hiram nđâp ma phung Gêbalit trah lŭ. Khân păng ndrăp jêh tơm si jêh ri lŭ gay ndâk ngih brah.

I Phung Hađăch 5:6

Pôri aƀaơ ri, dăn may ntĭnh hom ăn bu kăl tơm si sêdar tă bơh n'gor bri Liban ma gâp. Phung oh mon gâp mra tâm rnglăp đah phung oh mon may, jêh ri gâp mra mplơ̆ prăk pah kan ma khân păng tĭng nâm rnoh may hŏ tâm nal; yorlah may gĭt pô aơ mâu geh ôh du huê tâm phung hên blau kăl tơm si nâm bu phung Sidôn.”

I Nau Rêh Jêng 14:2

Y-Đavit gĭt năl pô aơ Brah Yêhôva hŏ njêng jêh păng dơi nâp ta klơ sưng hađăch Israel. Ƀon bri hađăch păng geh nau ndrŏng yor phung ƀon lan Israel Păng.

I Nau Rêh Jêng 17:1

Tơlah Y-Đavit gŭ jêh tâm nau mpăn rlêk ta ngih păng nơm, păng ngơi đah nơm mbơh lor Y-Nathan: “Aơ, gâp gŭ tâm ngih hađăch ƀư ma tơm si sêdar, ƀiălah Hip Nau Tâm Rnglăp Brah Yêhôva gŭ tâm ngih bok.”

I Nau Rêh Jêng 22:2

Y-Đavit ntĭnh rgum lĕ phung bu năch gŭ tâm n'gor Israel, jêh ri păng ntĭnh ma phung châm trah lŭ gay ndâk ngih Brah Ndu.

II Nau Rêh Jêng 2:2

Y-Salômôn rgum pơh rmưn nuyh tung ndơ jâk, pham rmưn nuyh châm trah lŭ ta n'gor klơ dor yôk, jêh ri pe rbăn prao rhiăng kôranh uănh kan.

II Nau Rêh Jêng 2:3

Y-Salômôn njuăl nơm mbơh hăn gay lah ma Y-Hiram, hađăch ƀon Tyre: “May hŏ ăn jêh tơm si sêdar ma Y-Đavit, mbơ̆ gâp, gay ndâk ngih hađăch, pônây lĕ sâm ƀư ăn ma gâp đŏng.

Êsra 3:7

Khân păng ăn prăk ma phung ndâk lŭ, phung trah si, ăn ndơ sông sa, dak nhêt, jêh ri dak ngi ôlive ma phung Sidôn jêh ri Tyre, gay khân păng djôt leo tơm si sêdar tă bơh bri Liban tât ta dak mƀŭt Jôpa, tĭng nâm samƀŭt nau ntrŭnh tă bơh Y-Sirus, hađăch Persi.