I Nau Rêh Jêng 13:8 - Nau Brah Ndu Ngơi 2023

⁸ Y-Đavit jêh ri lĕ rngôch phung Israel hâk răm âk ngăn, pâl ntalơ̆ tanăp Brah Ndu ma nau mprơ, kreh gong rêng loih, gong rêng, gâr jê̆, ching ndrup tâm nchâm, jêh ri uh nŭng.

I Nau Rêh Jêng 13:8 ပူးပေါင်းရင်းမြစ်များ

II Phung Hađăch 3:15

Ƀiălah aƀaơ ri, njŭn leo ma gâp du huê blau kreh gong rêng.” Ăp tơ̆ nơm nây kreh gong rêng, ti Brah Yêhôva gŭ ta klơ Y-Êlisê.

I Nau Rêh Jêng 15:28

Pôri, lĕ rngôch Israel njŭn leo Hip Nau Tâm Rnglăp Brah Yêhôva ma nau troh nter, ma bâr nŭng, bâr rgu dang nteh ăn huy ngăn nđâp ma bâr gong rêng jêh ri gong rêng loih.

I Nau Rêh Jêng 16:42

Y-Hêman jêh ri Y-Jêduthun geh nŭng, rgu dang nteh ăn huy jêh ri lĕ gong êng gay tâm rnê ma Brah Ndu. Bi phung kon bu klâu Y-Jêduthun ƀư kan mât njrăng mpông pêr.

I Nau Rêh Jêng 16:5

Y-Asap jêng kôranh, Y-Sakari jêng nơm rơh bar, jêh nây geh Y-Jêhiêl, Y-Sêmiramôt, Y-Jêliêl, Y-Matithia, Y-Êliap, Y-Bênaya, Y-Ôbet-Êđôm, jêh ri Y-Jêiêl; khân păng geh kan kreh lĕ gong tâm ban gong rêng jêh ri gong rêng loih, bi Y-Asap rgu dang nteh ăn huy ngăn.

I Nau Rêh Jêng 23:5

puăn rbăn bunuyh mât njrăng mpông pêr, jêh ri puăn rbăn bunuyh tâm rnê ma Brah Yêhôva ma gong Y-Đavit hŏ ƀư jêh prăp ma kan tâm rnê Kôranh Brah.

II Nau Rêh Jêng 20:28

Khân păng sĭt ma ƀon Yêrusalem jêh ri tât ta ngih Brah Yêhôva tâm bâr gong rêng, uh n'hôm jêh ri bâr nŭng.

II Nau Rêh Jêng 5:12

jêh ri lĕ mpôl mprơ tâm phung Lêvi, jêng Y-Asap, Y-Hêman, Y-Jêduthun ndrel kon bu klâu jêh ri oh nâu khân păng, nsoh bok ao ma bok mhay rhên, djôt rgu dang nteh ăn huy, gong rêng loih, jêh ri gong rêng gŭ mpeh luh nar nơng ƀư brah ndrel ma du rhiăng bar jât nuyh phung kôranh ƀư brah jêng phung uh nŭng.

Nau Mprơ Ơm 47:5

Brah Ndu hao gŭ nklang bâr troh maak, Brah Yêhôva hao gŭ tâm bâr nŭng.

Nau Mprơ Ơm 92:3

Klơ gong rêng jât rse jêh ri klơ gong rêng loih Nđâp ma rlet.

Amôt 5:23

Mƀăr lơi hom bơh Gâp bâr khân may mprơ drơu drơu! Gâp mâu hôm ŭch iăt ôh gong rêng khân may.

Amôt 6:5

Bâr khân may mprơ lă lêng gay tâm vơt đah nteh gong rêng, Jêh ri njêng lĕ gong rêng ma khân păng nơm nâm bu Đavit.

I Samuel 10:5

Jêh nau nây, may mra tât ta Gibêat Êlôhim, ta nây geh du pôih tahan phung Philistin. Tơlah lĕ lăp jêh tâm ƀon, may mra mâp du mpôl mbơh lor tă bơh ntŭk prêh klơ hăn jŭr, djôt gong rêng, gâr jê̆, n'hôm, jêh ri gong rêng loih hăn lor jêh ri khân păng mra mbơh lor.