I Nau Rêh Jêng 13:7 - Nau Brah Ndu Ngơi 2023

⁷ Ntơm bơh ngih Y-Abinadap, khân păng rdeng Hip Nau Tâm Rnglăp Brah Ndu ta klơ ndeh ndrôk mhe; geh Y-Usa jêh ri Y-Ahiô ƀĭt bôk ndeh.

I Nau Rêh Jêng 13:7 ပူးပေါင်းရင်းမြစ်များ

II Samuel 6:3

Khân păng dơm Hip Nau Tâm Rnglăp Brah Ndu ta klơ ndeh ndrôk mhe, jêh nây djôt leo bơh ngih Y-Abinadap gŭ ta klơ gôl yôk. Y-Usa jêh ri Y-Ahiô, phung kon bu klâu Y-Abinadap, ƀĭt bôk ndeh mhe nây.

II Samuel 6:4

Khân păng leo ndeh nđâp ma Hip Nau Tâm Rnglăp Brah Ndu luh bơh ngih Y-Abinadap ta klơ gôl yôk, jêh ri Y-Ahiô hăn panăp Hip Nau Tâm Rnglăp.

I Nau Rêh Jêng 15:13

Yorlah tâm tơ̆ lor, khân may mâu mâp ôh tung Hip Nau Tâm Rnglăp, yor ri Yêhôva Brah Ndu rmal ma he, yorlah he mâu ôp ma Păng gay gĭt nâm nau ƀư ma di tĭng tâm nal.”

I Nau Rêh Jêng 15:2

Nôk nây, Y-Đavit lah: “Mâu geh phung êng ôh, knŏng phung Lêvi dơi tung Hip Nau Tâm Rnglăp Brah Ndu, yorlah Brah Yêhôva săch jêh khân păng ăn tung Hip Nau Tâm Rnglăp Brah Yêhôva, jêh ri pah kan ma Păng n'ho ro.”

Nau Kơp Bunuyh 4:15

Lah jêh Y-Arôn jêh ri phung kon bu klâu păng hŏ nkŭm jêh ntŭk kloh ueh jêh ri lĕ ndơ dŏng kloh ueh lôch jêh, jêh ri dôl phung ƀon lan ndrăp jêh hăn du luh, phung kon bu klâu Y-Kôhat văch hom tung lĕ ndơ dŏng, ƀiălah khân păng mâu dơi mpât ôh tât lĕ ndơ kloh ueh, klach lah khân păng mra khĭt. Nây jêng lĕ ndơ dŏng tâm Ngih Bok Nau Tâm Rƀŭn ma phung kon bu klâu Y-Kôhat mra tung hom.

I Samuel 6:7

Aƀaơ, ƀư hom du bôk ndeh mhe, jêh ri sŏk bar mlâm ndrôk me hôm ăn ma kon pu, mâu mâp nkuăk mâng mbăk ôh, jêh ri nkuăk mâng mbăk nây ta ndeh ndrôk, ƀiălah têk lơi phung kon ndrôk jê̆ leo nglăp tâm ndrung.