I Nau Rêh Jêng 13:5 - Nau Brah Ndu Ngơi 2023

⁵ Y-Đavit tâm rƀŭn lĕ rngôch phung Israel, ntơm bơh Sihôr tâm n'gor bri Êjipt tât ma ntŭk lăp ƀon Hamat, gay tung leo Hip Nau Tâm Rnglăp Brah Ndu plơ̆ sĭt tă bơh Kiriat-Jêarim.

I Nau Rêh Jêng 13:5 ပူးပေါင်းရင်းမြစ်များ

II Samuel 6:1

Y-Đavit tâm rƀŭn đŏng lĕ rngôch phung bu lĕ săch tâm phung Israel, klăp lah pe jât rbăn nuyh.

I Phung Hađăch 4:21

Y-Salômôn chiă uănh lĕ rngôch ƀon bri hađăch, ntơm bơh dak krong Ơphrat tât neh phung Philistin, ma tât n'har Êjipt. Lĕ ƀon bri hađăch nây djôt ndơ nhhơr jêh ri pah kan ma hađăch Salômôn lôch du njăr rêh hađăch.

I Phung Hađăch 8:65

Tâm nôk nây, Y-Salômôn jêh ri lĕ rngôch phung ƀon lan Israel ndrel ma păng râng rƀŭn tra năp măt Yêhôva jêng Brah Ndu he tâm pơh nar, jêh nây ntop pơh nar đŏng, pôri geh lĕ rngôch jêng jât puăn nar. Nây jêng du phung tâm rƀŭn dŭt âk râk ntơm bơh n'har ƀon Hamat ma tât n'hor dak Êjipt.

II Phung Hađăch 25:21

Hađăch Babilôn dong nkhĭt khân păng ta ƀon Ribla tâm n'gor Hamat. Pônây, bu nhŭp veng phung Yuđa tă bơh n'gor bri khân păng nơm.

I Nau Rêh Jêng 13:4

Lĕ rngôch phung tâm rƀŭn dơn nau ƀư pônây, yorlah lĕ rngôch phung ƀon lan saơ nau nây jêng di ngăn.

I Nau Rêh Jêng 13:6

Y-Đavit jêh ri lĕ rngôch phung Israel hăn hao ma Baala, nâm bu ntĭt Kiriat-Jêarim tâm n'gor Yuđa, gay tung leo Hip Nau Tâm Rnglăp Brah Ndu plơ̆ sĭt, jêng Hip tuy amoh Brah Yêhôva, Nơm hôm gŭ ta nklang phung chêrubim.

I Nau Rêh Jêng 15:3

Y-Đavit tâm rƀŭn lĕ rngôch phung Israel ta ƀon Yêrusalem, gay tung leo Hip Nau Tâm Rnglăp Brah Yêhôva ma ntŭk păng dăp nkra jêh.

Êsai 23:3

Găr ntil bơh Sihôr, yan kăch roih bơh dak krong Nil, Rdeng tĭng trong dak mƀŭt, Jêng drăp păng sa kao; Păng jêng ntŭk tăch rgâl ma ăp bri dak.

Yêrêmi 2:18

Aƀaơ, moh ndơ may geh dôl jŭr ma Êjipt Gay nhêt dak krong Sihôr? Moh ndơ may geh dôl găn Asiri Gay nhêt dak krong Ơphrat?

Yôsuê 9:17

Yor ri, phung ƀon lan Israel dâk hăn trong, jêh ri tât ta ƀon khân păng nar tal pe. Lĕ ƀon khân păng jêng ƀon Gibêôn, ƀon Chêphira, ƀon Bêrôt, jêh ri ƀon Kiriat-Jêarim.

I Samuel 6:21

Jêh nây khân păng prơh phung hăn mbơh ma phung Kiriat-Jêarim jêh ri lah: “Phung Philistin hŏ mplơ̆ tay jêh Hip Nau Tâm Rnglăp Brah Yêhôva, hăn trŭnh hom djôt leo păng sĭt ma khân may.”

I Samuel 7:1

Phung Kiriat-Jêarim văch chuă vơt tung Hip Nau Tâm Rnglăp Brah Yêhôva leo lăp ma ngih Y-Abinadap ta klơ dor yôk, jêh nây prăp êng ăn kon bu klâu păng jêng Y-Êlêasar nơm mât uănh Hip Nau Tâm Rnglăp Brah Yêhôva.

I Samuel 7:2

Hip Nau Tâm Rnglăp Brah Yêhôva gŭ ta Kiriat-Jêarim du rnôk jŏ jêh, klăp lah bar jât năm. Lĕ rngôch ngih Israel nhĭm nhhiăng da dê jêh ri tĭng joi Brah Yêhôva.