I Nau Rêh Jêng 13:2 - Nau Brah Ndu Ngơi 2023

² Y-Đavit lah ma lĕ rngôch phung Israel tâm rƀŭn: “Tơlah khân may saơ nau aơ jêng ueh jêh ri tât jêh bơh Yêhôva Brah Ndu he, gâp mra prơh bunuyh văch ta ma phung oh nâu he hôm e tâm lam n'gor Israel, nđâp ma phung kôranh ƀư brah jêh ri phung Lêvi gŭ tâm lĕ ƀon geh ndrêch gơ̆ văr jŭm, gay jă ma khân păng văch tâm rƀŭn ndrel ma he.

I Nau Rêh Jêng 13:2 ပူးပေါင်းရင်းမြစ်များ

I Phung Hađăch 12:7

Khân păng lah ma păng: “Tơlah nar aơ may jêng du huê oh mon ma phung ƀon lan aơ, pah kan ma khân păng, jêh ri dŏng ngơi nau ueh gay plơ̆ lah ma khân păng, ri mơ khân păng mra jêng oh mon ma may mro mrăng.”

II Phung Hađăch 9:15

Ƀiălah hađăch Jôram hŏ plơ̆ sĭt jêh ma Jesrêel gay săm lĕ ntŭk sôt phung Aram hŏ lơh jêh tâm nôk păng tâm lơh đah Y-Hasael, hađăch Aram. Y-Jêhu lah: “Tơlah khân may ŭch, lơi ăn du huê klaih bơh ƀon gay hăn mbơh nau mhe aơ tâm Jesrêel.”

I Nau Rêh Jêng 10:7

Tơlah phung Israel gŭ tâm rlŭng saơ phung tahan du jêh ri saơ Y-Sôl ndrel phung kon bu klâu păng khĭt jêh, pôri khân păng chalơi ƀon jêh ri nchuăt du. Phung Philistin văch tât pit sŏk jêh ri gŭ tâm ƀon nây.

I Nau Rêh Jêng 13:1

Y-Đavit tâm chră ndrel ma phung kôranh du rbăn nuyh tahan jêh ri du rhiăng nuyh tahan, ndrel ma lĕ rngôch kôranh chiă uănh.

I Nau Rêh Jêng 13:3

Jêh nây he mra tung leo Hip Nau Tâm Rnglăp Brah Ndu he plơ̆ sĭt ma he, yorlah tâm rnôk Y-Sôl, he mâu hăn tât panăp Hip Nau Tâm Rnglăp gay ôp ma Brah Ndu.”

Nau Ngluh Êjipt 18:23

Tơlah may ƀư kan nây, jêh ri tơlah Brah Ndu ntăm ăn ma may kơt nây lĕ, may mra dơi ƀư jêh lĕ kan, jêh ri phung ƀon lan aơ mra tât ma ntŭk nau đăp mpăn.”

Nau Hôr 15:22

Mâu geh nau tâm nchră, nau ŭch ƀư mâu mra jêng, Yor geh âk bunuyh kơl nchră, nau ŭch nchră mra jêng.

Êsai 37:4

N'hêl nanê̆ Yêhôva Brah Ndu may hŏ tăng jêh nau Y-Rabshakeh ngơi, kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng; jêh ri Yêhôva Brah Ndu may mra rmal ma khân păng tĭng nâm nau Păng tăng jêh. Yor nây, ăn may mbơh sơm hom ma phung hôm klen ta aơ!’”

I Samuel 31:1

Rnôk nây, phung Philistin tâm lơh đah phung Israel. Phung tahan Israel nchuăt du panăp phung Philistin, jêh ri âk nuyh tâm phung khân păng bu khĭt, cha lôt khĭt ta klơ yôk Gilbôa.