I Nau Rêh Jêng 12:8 - Nau Brah Ndu Ngơi 2023

⁸ Tâm ndŭl mpôl Gat, geh phung hăn gŭ mpeh Y-Đavit ta pôih tâm bri rdah. Khân păng jêng phung janh ktang, blau nau tâm lơh, blau djôt khêl jêh ri rjăng tak; muh măt khân păng nâm bu muh măt yau mŭr, khân păng nchuăt prăl nâm bu yơng ta klơ yôk.

I Nau Rêh Jêng 12:8 ပူးပေါင်းရင်းမြစ်များ

II Samuel 1:23

Y-Sôl jêh ri Y-Jônathan rŏng ndrăng khân păng âk ngăn, Tâm nau rêh jêh ri tâm nau khĭt, khân păng mâu tâm nkhah ôh: Khân păng prăl lơn klang lêl, Ktang lơn yau mŭr!

II Samuel 17:10

Aƀaơ, phung ktang lơn lĕ rngôch, nđâp lah janh ktang nâm bu yau mŭr kđôi, mra phit yor nau klach; yorlah lĕ rngôch phung Israel gĭt jêh ma hađăch mbơ̆ may jêng du huê janh ktang, jêh ri phung gŭ ndrel păng jêng phung janh nănh da dê.

II Samuel 2:18

Ta nây, geh pe nuyh kon H'Sêruya, jêng Y-Jôap, Y-Abisai, jêh ri Y-Asahel. Y-Asahel nchuăt ngăch ngăn nâm bu yơng tâm bri.

II Samuel 23:20

Y-Bênaya, kon bu klâu Y-Jêhôida, jêng du huê bu klâu janh ktang bơh Kapsêel, nơm lư n'găr yor hŏ ƀư âk kan toyh. Păng yơh hŏ nkhĭt bar hê tahan janh ktang phung Môap. Geh du nar măng lĭng (nar tŭp pler), tâm ban lĕ phung aơ hăn trŭnh du trôm, geh du mlâm yau mŭr, jêh ri nkhĭt lơi păng.

I Nau Rêh Jêng 11:16

Rnôk nây Y-Đavit gŭ tâm pôih jêh ri pôih tahan phung Philistin gŭ ta ƀon Ƀêtlêhem.

I Nau Rêh Jêng 11:22

Y-Bênaya, kon Y-Jêhôida gŭ ta ƀon Kapsêel, jêng du huê janh ktang ƀư jêh âk kan toyh. Păng nkhĭt bar hê tahan janh ktang bunuyh Môap. Păng tâm ban đŏng hăn trŭnh jêh ri dong nkhĭt du mlâm yau mŭr tâm trôm ntu ta nar geh tŭp dak pler.

I Nau Rêh Jêng 12:16

Ƀaƀă phung Benjamin jêh ri phung Yuđa văch mâp Y-Đavit ta pôih.

I Nau Rêh Jêng 12:7

Y-Jôêla jêh ri Y-Sêbadia, phung kon Y-Jêrôham ta Gêdôr.

I Nau Rêh Jêng 12:9

Y-Êser jêng kôranh, Y-Ôbadia jêng rơh bar, Y-Êliap jêng rơh pe,

II Nau Rêh Jêng 25:5

Y-Amasia tâm rƀŭn phung Yuđa, tĭng ndŭl mpôl tâm chô yau Yuđa jêh ri Benjamin, jêh ri njêng phung kôranh chiă uănh toyh ma du rbăn nuyh tahan jêh ri du rhiăng nuyh tahan. Păng kơp rnoh bunuyh ntơm bơh bar jât năm leo klơ, geh lĕ rngôch pe rsen nuyh, dơi djôt tak jêh ri khêl hăn tâm lơh.

Nau Hôr 28:1

Bunuyh djơh nchuăt du nđâp lah mâu geh bunuyh hăn tĭng păng, Ƀiălah bunuyh sŏng srăng dăng ktang nâm bu yau mŭr.

Nau Hôr 6:5

Tâm rklaih hom may nơm nâm bu yơng klaih bơh ti bunuyh nchron, Nâm bu sĭm klaih bơh ti bunuyh ndơm dăk.

Nau Mprơ Ueh 8:14

Gơnh hom, hơi nơm gâp rŏng, Ăn nâm bu du mlâm yơng Nâm bu mlâm jun nkuăng ndăm Ta klơ yôk n'hôl ƀâu kah!

Yêrêmi 46:9

Seh ndơ tâm lơh, rduh ran tât; Ndeh seh tâm lơh, rduh hom! Phung tahan tâm lơh, ran rlet panăp; Phung n'gor Kus jêh ri n'gor Put djôt khêl, Phung n'gor Ludim blau sŏng pănh na.

I Samuel 23:14

Y-Đavit gŭ tâm lĕ ntŭk nâp jăp tâm bri rdah klơ tâm n'gor dor yôk bri rdah Sip. Y-Sôl tĭng nhŭp păng ăp nar, ƀiălah Brah Ndu mâu jao păng tâm ti Y-Sôl ôh.

I Samuel 24:22

Pôri, ma amoh Brah Yêhôva sơm ton ma gâp pô aơ may mâu mra ƀư rai ôh noi deh gâp, jêh ri mâu lĕ mra jut lơi amoh săk gâp tă bơh ngih chô yau gâp.”