I Nau Rêh Jêng 12:40 - Nau Brah Ndu Ngơi 2023

⁴⁰ Bơh lĕ nkual chiau meng tât neh Isakar, Sabulôn, jêh ri Naptali, lĕ rngôch bunuyh djôt leo ndơ sông sa; khân păng sŏk seh, seh samô, seh bri, jêh ri sŏk ndrôk rdeng piăng let, rnih môi, ƀănh play rvi, ƀănh play krăk ƀâu kro, ndrănh, dak ngi ôlive, jêh ri âk ngăn ndrôk jêh ri biăp. Nau răm maak lam phung Israel.

I Nau Rêh Jêng 12:40 ပူးပေါင်းရင်းမြစ်များ

II Samuel 16:1

Tơlah Y-Đavit hao lĕ rlau jêh n'gơn yôk, Y-Siba oh mon Y-Mêphibôset tâm mâp đah păng, ndrel ma bar mlâm seh bri dăp vơng rdeng bar rhiăng glo piăng let, du rhiăng glo ƀănh krăk ƀâu kro, du rhiăng ƀănh play rvi, du nông ndrănh krăk ƀâu.

I Phung Hađăch 1:40

Lĕ rngôch phung ƀon lan hăn hao tĭng ndô̆ hađăch. Khân păng uh n'hôm jêh ri nter huy hâk răm ngăn kŏ tât neh ntu n'gơ n'găr bơh nau troh nter khân păng.

II Phung Hađăch 11:20

Lĕ rngôch phung ƀon lan tâm n'gor hâk răm da dê, jêh ri ƀon gŭ đăp mpăn jêh bu nkhĭt H'Athali ma đao ta ngih hađăch.

I Nau Rêh Jêng 12:39

Khân păng gŭ ta nây ndrel ma Y-Đavit tâm pe nar jêh ri sông sa nhêt, yorlah phung oh nâu khân păng hŏ ăn jêh ndơ sông sa ma khân păng.

I Nau Rêh Jêng 13:1

Y-Đavit tâm chră ndrel ma phung kôranh du rbăn nuyh tahan jêh ri du rhiăng nuyh tahan, ndrel ma lĕ rngôch kôranh chiă uănh.

I Nau Rêh Jêng 29:22

Tâm nar nây, khân păng sông sa nhêt sa răm maak ngăn tanăp Brah Yêhôva. Tơ̆ rơh bar, khân păng n'hao ăn kon bu klâu Y-Đavit jêng Y-Salômôn hao ƀư hađăch. Khân păng sŏk amoh Brah Yêhôva gay tŏ dak ƀâu kah ma Y-Salômôn ƀư hađăch jêh ri ăn Y-Sadôk jêng kôranh ƀư brah.

Nau Hôr 11:10

Lah bunuyh sŏng srăng geh nau ueh uĭn, lĕ rngôch toyh răm maak, Jêh ri lah phung ƀai rai yot pôri geh bâr troh rhơn.

Nau Hôr 29:2

Lah bunuyh sŏng srăng bĭk rơ̆ phung ƀon lan răm rhơn, Ƀiălah nôk phung djơh chiă uănh, phung ƀon lan lŭng nter.

Ndrom Samƀŭt bơh Ôsê 3:1

Brah Yêhôva lah ma gâp: “Hăn hom jêh ri rŏng tay ma du huê bu ur dôl văng tĭr jêh ri geh nơm tĭr, nâm bu Brah Yêhôva ăt rŏng ma phung ƀon lan Israel nđâp lah khân păng rle ma phung brah êng jêh ri rŏng ma ƀănh play krăk ƀâu kro.”

I Samuel 25:18

H'Abigêl ndal sŏk bar rhiăng glo piăng let, bar nông ntâu ndrănh krăk ƀâu, prăm mlâm biăp kon nkuăng ƀư puăch jêh, klăp lah jât ma pơh kilô găr vâr, du rhiăng piăng let krăk ƀâu kro, jêh ri bar rhiăng glo ƀănh play rvi kro, n'gân klơ ndŭr kơi seh bri.