I Nau Rêh Jêng 12:20 - Nau Brah Ndu Ngơi 2023

²⁰ Dôl Y-Đavit plơ̆ sĭt tât ma Siklak, phung Manasê hăn tĭng păng, geh: Y-Atna, Y-Jôsaƀat, Jêdiaêl, Y-Mikel, Y-Jôsaƀat, Y-Êlihu, jêh ri Y-Silêthai, ăp nơm jêng kôranh chiă uănh toyh ma du rbăn tahan Manasê.

I Nau Rêh Jêng 12:20 ပူးပေါင်းရင်းမြစ်များ

I Nau Rêh Jêng 12:19

Geh đŏng phung Manasê ƀaƀă hăn tĭng Y-Đavit tơlah păng hăn tĭng ndrel ma phung Philistin gay tâm lơh đah Y-Sôl. Ƀiălah Y-Đavit mâu kơl phung Philistin ôh, yorlah phung kôranh Philistin ăn ma Y-Đavit hăn plơ̆ sĭt, jêh tâm nchră ndrăng păng pô aơ: “Njrăng hom păng mra sŏk bôk he jêh nây plĕch plơ̆ sĭt ma Y-Sôl, jêng kôranh păng.”

I Nau Rêh Jêng 12:21

Phung nây kơl jêh Y-Đavit tâm rdâng đah phung văch pit in, yorlah lĕ rngôch khân păng jêng phung tahan janh ktang, jêh ri jêng phung kôranh chiă uănh tahan.

I Nau Rêh Jêng 8:20

Y-Êliênai, Y-Silêthai, Y-Êliêl,

Nau Ngluh Êjipt 18:21

Rlau lơn ma nĕ, săch hom tâm phung ƀon lan phung bunuyh geh nau blau mĭn, nau klach yơk ma Brah Ndu, nanê̆ ngăn, rmot ma nau sa blŏl drăp, jêh ri ndâk ăn khân păng jêng kôranh mât uănh ma rbăn nuyh, ma rhiăng nuyh, ma prăm jât nuyh, mâu lah ma jât nuyh.

Nau Vay Nkah Tay 1:15

Pôri gâp hŏ săch jêh lĕ phung blau mĭn, gĭt rbăng tâm lĕ ndŭl mpôl jêh ri ndâk khân păng jêng phung kôranh ma khân may, chiă uănh ma rbăn nuyh, rhiăng nuyh, prăm jât nuyh mâu lah ma jât nuyh, jêh ri ndâk đŏng phung kôranh ma ăp ndŭl mpôl khân may.

Nau Vay Nkah Tay 33:17

Păng geh nau rnam tâm ban ma ndrôk nkuăng păng deh dak bôk, Ma bar đah nke dăng ktang ndrôk bri! Păng dŏng nke nây dong cha lôt lĕ rngôch ntil mpôl bunuyh, Kŏ tât ta phung ƀon lan gŭ dŭt bôl neh ntu; Nây jêng âk rmưn tahan Êphraim, Âk rbăn nuyh Manasê.”

I Samuel 29:11

Pôri Y-Đavit ndrel ma phung tahan păng dâk hăn ơm ôi, gay ŭch sĭt rlet ma n'gor phung Philistin. Bi phung Philistin hăn hao rlet ma ƀon Jesrêel.

I Samuel 29:3

Rnôk nây, phung kôranh chiă uănh tahan Philistin lah: “Mbu phung Hêbrơ aơ gŭ ta aơ?” Y-Akis plơ̆ lah: “Nây jêng Y-Đavit, oh mon Y-Sôl, hađăch Israel, gŭ ndrel ma gâp hŏ jŏ nar jêh. Ntơm bơh nar păng văch tât ma ntŭk he n'ho tât ma aƀaơ, gâp mâu saơ ôh nau tih tâm păng.”

I Samuel 29:4

Ƀiălah phung kôranh chiă uănh tahan Philistin ji nuih, lah ma Y-Akis: “Mprơh hom păng plơ̆ sĭt ntŭk may de ntĭm jêh ma păng, lơi ăn ma păng hăn tâm lơh ndrel ma he, klach lah dôl tâm lơh, păng jêng rlăng he. Yorlah mâm nau păng dơi tâm nsĭr đŏng đah kôranh păng, tơlah mâu hĕ tă bơh lĕ bôk phung tahan he?