I Nau Rêh Jêng 12:18 - Nau Brah Ndu Ngơi 202318 Nôk nây, Huêng Brah nkŭm Y-Amasai, jêng kôranh ma phung pe jât bunuyh nây, ƀư ăn ma păng lah: “Hơi Y-Đavit, hên jêng phung may; Hơi kon bu klâu Y-Yêsê, hên gŭ mpeh ma may! Nau đăp mpăn, nau đăp mpăn ma may; Nau đăp mpăn ma phung kơl may! Yorlah Brah Ndu may kơl may!” Pônây Y-Đavit rom khân păng jêh ri njêng khân păng chiă uănh ma phung tahan păng. အခန်းကိုကြည့်ပါ။ |
Tơlah du luh tă bơh ntŭk nây, Y-Jêhu tâm mâp đah Y-Jêhônadap, kon Y-Rêkap, dôl văch chuă vơt ma păng. Y-Jêhu mbah ma Y-Jêhônadap jêh ri ôp: “Nuih n'hâm may jêng răp jăp ma gâp lĕ, nâm bu nuih n'hâm gâp răp jăp ma may?” Y-Jêhônadap plơ̆ lah: “Nanê̆ ngăn.” Y-Jêhu lah: “Tơlah pônây, yơr hom ti may.” Y-Jêhônadap yơr ti, jêh ri Y-Jêhu ăn păng hao klơ ndeh seh ndrel păng.
Pônây, hơi mbơ̆! Uănh hom ntôr ao rjai may tâm ti gâp. Yorlah gâp koh jêh ntôr ao rjai may, ƀiălah mâu nkhĭt may, dăn may gĭt hom jêh ri saơ pô aơ gâp mâu geh nau djơh mhĭk ôh, mâu lah nau ƀlêp ƀlêr ôh. Gâp mâu lĕ geh nau tih yorlah ƀư mhĭk ma may, bi may nkhơng ma ŭch nchron gâp gay ƀư ngroh lơi nau rêh gâp. Dăn Brah Yêhôva phat dôih ta klang gâp đah may.