I Nau Rêh Jêng 11:20 - Nau Brah Ndu Ngơi 2023

²⁰ Y-Abisai, oh Y-Jôap, jêng kôranh ma phung pe tahan janh ktang; păng rjăng tak păng nkhĭt pe rhiăng nuyh, pôri păng geh nau lư n'găr tâm phung pe nuyh nây.

I Nau Rêh Jêng 11:20 ပူးပေါင်းရင်းမြစ်များ

II Samuel 18:2

Y-Đavit prơh hăn phung tahan, du kô̆ tâm pe Y-Jôap mât uănh, du kô̆ tâm pe Y-Abisai, kon bu klâu H'Sêruya, oh Y-Jôap mât uănh, du kô̆ tâm pe Y-Itai bu klâu Gitit mât gai. Jêh ri hađăch lah ma phung tahan, “Gâp nơm tâm ban lĕ mra hăn ndrel ma khân may.”

II Samuel 2:18

Ta nây, geh pe nuyh kon H'Sêruya, jêng Y-Jôap, Y-Abisai, jêh ri Y-Asahel. Y-Asahel nchuăt ngăch ngăn nâm bu yơng tâm bri.

II Samuel 20:6

Y-Đavit lah ma Y-Abisai: “Aƀaơ ri, Y-Sêba, kon bu klâu Y-Bikri, mra ƀư mhĭk ma he âk lơn ma Y-Apsalôm. Pônây, sŏk hom phung tahan kôranh may jêh ri tĭng Y-Sêba, klach lah păng rvan sŏk lĕ ƀon nâp jêh ri păng du klaih tă bơh he.”

II Samuel 21:17

Ƀiălah Y-Abisai, kon H'Sêruya, hŏ văch kơl hađăch, lơh bu klâu Philistin, jêh ri nkhĭt păng. Ntơm bơh nây, phung tahan Y-Đavit sơm ton jêh ri lah ma hađăch: “May mâu mra hôm hăn nau tâm lơh ndrel hên, om ŭnh kađen Israel mâu geh ôh nhhât.”

II Samuel 3:30

Kơt nĕ, Y-Jôap jêh ri oh păng jêng Y-Abisai, hŏ nkhĭt lơi Y-Apner, yorlah păng nkhĭt oh khân păng jêng Y-Asahel, tâm nau tâm lơh ta ƀon Gibêôn.

I Nau Rêh Jêng 11:19

jêh ri lah: “Dăn Brah Ndu mât mray gâp gay gâp mâu ƀư nau aơ! Gâp mra nhêt lĕ mham nau rêh phung tahan aơ? Yorlah khân păng sân săk jăn khân păng nơm gay djôt leo dak nây.” Yor ri, păng mâu ŭch nhêt dak nây. Nây jêng nau pe nuyh janh ktang hŏ ƀư jêh.

I Nau Rêh Jêng 11:21

Tâm phung pe tahan janh ktang, păng geh lư n'găr lơn jêh ri jêng kôranh chiă uănh toyh ma khân păng, ƀiălah mâu tâm ban ôh đah “Pe Nuyh” lor saơm nây.

I Nau Rêh Jêng 2:16

Jêh ri oh bu ur khân păng geh H'Sêruya jêh ri H'Abigêl. Phung pe kon bu klâu H'Sêruia jêng Y-Abisai, Y-Jôap, jêh ri Y-Asahel.

I Samuel 26:6

Y-Đavit ôp ma Y-Ahimalek, bunuyh Hitit, jêh ri Y-Abisai, kon H'Sêruya, oh Y-Jôap: “Mbu nơm mra hăn ndrel ma gâp trŭnh ma pôih tahan Y-Sôl?” Y-Abisai lah: “Gâp mra hăn trŭnh ndrel ma may.”