I Nau Rêh Jêng 11:18 - Nau Brah Ndu Ngơi 2023

¹⁸ Pe nuyh nây lăp rgăn pôih tahan phung Philistin, bâk dak tâm ntu dak êp kêng mpông ƀon Ƀêtlêhem djôt leo ma Y-Đavit. Ƀiălah Y-Đavit mâu ŭch nhêt ôh; ƀiălah păng nkhŭt dak nây tanăp măt Brah Yêhôva,

I Nau Rêh Jêng 11:18 ပူးပေါင်းရင်းမြစ်များ

II Samuel 23:16

Rnôk nây, geh pe nuyh janh ktang hăn rgăn pôih tahan phung Philistin, bâk dak tâm ntu dak êp kêng mpông ƀon Ƀêtlêhem, djôt leo ma Y-Đavit. Ƀiălah hađăch mâu ŭch nhêt ôh, ƀiălah păng nkhŭt dak nây nhhơr ma Brah Yêhôva,

I Nau Rêh Jêng 11:17

Y-Đavit ŭch ngăn jêh ri lah: “Ndă ma geh bunuyh ăn gâp dak nhêt tă bơh ntu dak êp kêng mpông ƀon Ƀêtlêhem!”

I Nau Rêh Jêng 11:19

jêh ri lah: “Dăn Brah Ndu mât mray gâp gay gâp mâu ƀư nau aơ! Gâp mra nhêt lĕ mham nau rêh phung tahan aơ? Yorlah khân păng sân săk jăn khân păng nơm gay djôt leo dak nây.” Yor ri, păng mâu ŭch nhêt dak nây. Nây jêng nau pe nuyh janh ktang hŏ ƀư jêh.

Nau Mprơ Ueh 8:6

Dăn n'gân gâp nâm bu ndơ tâp pŏng tâm play nuih may, Nâm bu ndơ tâp pŏng ta klơ tur ti may; Yorlah nau rŏng ŭch ngăn ktang nâm bu nau khĭt, Nuih n'hâm ntôn ktang ngăn nâm bu ƀon phung khĭt. Ŭnh nau rŏng hit n'gă ang, Nâm bu mpiăt ŭnh Brah Yêhôva.

Kôranh Oh Mon 20:24

Ƀiălah gâp mâu kơp nau rêh gâp khlay ôh, knŏng tơlah lôch jêh nau rlong jêh ri nau pah kan gâp sŏk dơn tă bơh Kôranh Brah jêng Brah Yêsu, ăn gâp mbơh Nau Mhe Mhan Ueh ma nau yô̆ Brah Ndu.

Kôranh Oh Mon 21:13

Ƀiălah Y-Pôl plơ̆ lah: “Mâm ƀư khân may nhĭm jêh ri ƀư ji nuih n'hâm gâp? Yorlah gâp rơm ndrăp jêh mâu di knŏng nau bu chăp ôh, ƀiălah nđâp ma nau khĭt ta ƀon Yêrusalem, yor amoh Brah Yêsu lĕ.”

I Samuel 19:5

Păng sân săk jăn jêh ri nkhĭt jêh bu klâu Philistin, yor ri Brah Yêhôva ƀư du nau tâm rklaih toyh yor tă bơh păng ăn ma lĕ rngôch phung Israel. May lĕ saơ jêh ri răm rhơn nau nây. Pônây, mâm dĭng may ŭch ƀư tih đŏng đah mham mâu geh nau tih ôh, ŭch nkhĭt Y-Đavit dơm dam?”

I Samuel 7:6

Pôri khân păng rgum ndrel ta ƀon Mispa, bâk dak nkhŭt jêh ri nhhơr ma Brah Yêhôva. Tâm nar nây, khân păng ât sông sa, jêh ri ta nây khân păng mbơh pô aơ: “Hên ƀư tih jêh đah Brah Yêhôva.” Y-Samuel phat dôih phung ƀon lan Israel ta Mispa.