I Nau Rêh Jêng 11:16 - Nau Brah Ndu Ngơi 2023

¹⁶ Rnôk nây Y-Đavit gŭ tâm pôih jêh ri pôih tahan phung Philistin gŭ ta ƀon Ƀêtlêhem.

I Nau Rêh Jêng 11:16 ပူးပေါင်းရင်းမြစ်များ

II Samuel 5:17

Tơlah phung Philistin tăng lư bu tŏ jêh dak ƀâu kah ăn Y-Đavit jêng hađăch chiă uănh phung Israel, phung tahan Philistin leo lĕ rngôch phung tahan hăn hao tâm lơh đah Y-Đavit. Lah gĭt nau nây Y-Đavit hăn trŭnh ro tât ta pôih.

I Nau Rêh Jêng 11:17

Y-Đavit ŭch ngăn jêh ri lah: “Ndă ma geh bunuyh ăn gâp dak nhêt tă bơh ntu dak êp kêng mpông ƀon Ƀêtlêhem!”

Nau Mprơ Ơm 142:1

Bâr gâp kuăl dăn ma Brah Yêhôva; Bâr gâp vơh vơl dăn ma Brah Yêhôva.

I Samuel 10:5

Jêh nau nây, may mra tât ta Gibêat Êlôhim, ta nây geh du pôih tahan phung Philistin. Tơlah lĕ lăp jêh tâm ƀon, may mra mâp du mpôl mbơh lor tă bơh ntŭk prêh klơ hăn jŭr, djôt gong rêng, gâr jê̆, n'hôm, jêh ri gong rêng loih hăn lor jêh ri khân păng mra mbơh lor.

I Samuel 13:23

Du phung tahan Philistin hăn luh ƀư pôih ta yôk Mikmas.

I Samuel 13:4

Pônây, lĕ rngôch phung Israel lĕ gĭt jêh Y-Sôl dơi lơh pôih phung tahan Philistin, jêh ri phung Philistin tâm rmot đah phung Israel. Rnôk nây, bu kuăl phung ƀon lan hăn tĭng Y-Sôl ta Gilgal.

I Samuel 22:1

Y-Đavit hăn tă bơh n'gor Gat jêh ri du krap tâm trôm lŭ Adulam. Tơlah phung nâu păng jêh ri lĕ rnăk vâl mbơ̆ păng tăng nau nây, khân păng hăn trŭnh ma păng ta ntŭk nây.

I Samuel 22:4

Y-Đavit leo mê̆ mbơ̆ păng tât tâm mâp đah hađăch Môap, jêh ri khân păng gŭ ta aơ ndrel ma hađăch Môap lĕ năng nar Y-Đavit gŭ tâm trôm pôih.

I Samuel 22:5

Ƀiălah nơm mbơh lor Y-Gat lah ma Y-Đavit: “Lơi hôm dĭng gŭ ôh tâm pôih; hăn hom tât ta n'gor Yuđa.” Pôri Y-Đavit hăn du luh jêh ri tât ta bri krŏng Hêret.

I Samuel 23:25

Y-Sôl jêh ri phung tĭng ndô̆ păng hăn joi Y-Đavit. Bu mbơh nau nây ma Y-Đavit, păng hăn trŭnh ta ntŭk lŭ tâm bri rdah Maôn. Tơlah Y-Sôl gĭt jêh pônây păng tĭng rgot Y-Đavit tâm bri rdah Maôn.