I Nau Rêh Jêng 11:14 - Nau Brah Ndu Ngơi 2023

¹⁴ Ƀiălah khân păng dâk ta nklang mir tâm rdâng jêh ri lơh nkhĭt phung Philistin. Brah Yêhôva kơl khân păng geh nau dơi tâm lơh toyh.

I Nau Rêh Jêng 11:14 ပူးပေါင်းရင်းမြစ်များ

II Samuel 23:10

ƀiălah Y-Êlêasar dâk jêh ri nkhĭt phung Philistin kŏ tât rgănh ti, n'ho dăng krêp đao tâm ti păng. Tâm nar nây, Brah Yêhôva ăn ma phung Israel nau dơi tâm lơh toyh. Phung tahan plơ̆ tay tĭng groi pakơi Y-Êlêasar knŏng kâp sŏk gro ndô ndơ phung rlăng nây dơm.

II Phung Hađăch 5:1

Y-Naaman, kôranh chiă uănh ma phung tahan hađăch Aram, jêng du huê bunuyh geh nau ktang jêh ri geh nau yơk ngăn tanăp kôranh păng nơm, yorlah ma păng, Brah Yêhôva ăn nau dơi ma phung Aram. Nđâp tơlah păng jêng du huê tahan janh ktang, ƀiălah Y-Naaman geh ji phŭng.

I Nau Rêh Jêng 11:13

Păng gŭ ndrel ma Y-Đavit ta Pas-Damim, tơlah phung tahan Philistin tâm rgum ndrel ta nây gay tâm lơh. Ta nây, geh mir bêng ba ôrgơ, jêh ri phung tahan Israel nchuăt du da dê panăp phung Philistin.

I Nau Rêh Jêng 11:15

Tâm phung “Pe Jât” geh pe nuyh hăn trŭnh trôm Lŭ Adulam, rlet ma Y-Đavit dôl phung tahan Philistin gŭ njơh ƀư pôih tahan tâm rlŭng Rêphaim.

Nau Mprơ Ơm 144:10

May hŏ rklaih jêh ma phung hađăch, Jêh ri rklaih Y-Đavit, oh mon May, bơh đao ƀư rai.

Nau Mprơ Ơm 18:50

Kôranh Brah ăn ma hađăch Păng lĕ nau dơi toyh, Jêh ri Păng ăn nau ueh lăng ma nơm Păng tŏ jêh dak ƀâu kah, Nây jêng Y-Đavit jêh ri ma noi deh păng kŏ tât lĕ rngôch rnôk n'ho ro.

Nau Hôr 21:31

Seh ndrăp ăn nar tâm lơh, Ƀiălah nau dơi tâm lơh tă bơh Brah Yêhôva.

I Samuel 14:23

Nar nây, Brah Yêhôva tâm rklaih phung Israel; jêh ri nau tâm lơh rlau ma ƀon Bet-Aven.

I Samuel 19:5

Păng sân săk jăn jêh ri nkhĭt jêh bu klâu Philistin, yor ri Brah Yêhôva ƀư du nau tâm rklaih toyh yor tă bơh păng ăn ma lĕ rngôch phung Israel. May lĕ saơ jêh ri răm rhơn nau nây. Pônây, mâm dĭng may ŭch ƀư tih đŏng đah mham mâu geh nau tih ôh, ŭch nkhĭt Y-Đavit dơm dam?”