I Nau Rêh Jêng 11:1 - Nau Brah Ndu Ngơi 2023

¹ Rnôk nây, lĕ rngôch phung Israel tâm rƀŭn ndrel ma Y-Đavit ta Hêbron jêh ri lah pô aơ: “Aơ, hên jêng noi deh du mham đah may.

I Nau Rêh Jêng 11:1 ပူးပေါင်းရင်းမြစ်များ

Nau Ntơm 29:14

Y-Laban lah: “Di ngăn mon jêng noi deh du mham đah gâp.” Y-Yakôb gŭ ndrel ma păng du khay.

II Samuel 15:10

Jêh nau nây, Y-Apsalôm prơh phung mbơh ndâp hăn lam ma phung mpôl băl Israel, lah pô aơ: “Tơlah khân may tăng bâr nŭng, rnôk nây lah hom: ‘Y-Apsalôm jêng hađăch ta ƀon Hêbron!’”

II Samuel 2:1

Jêh nau nây, Y-Đavit ôp ma Brah Yêhôva: “Gâp dơi lĕ hăn ma du ƀon tâm ăp rplay ƀon tâm n'gor Yuđa?” Brah Yêhôva plơ̆ lah: “Hăn hao hom.” Y-Đavit lup tay: “Moh ƀon gâp mra hăn?” Brah Yêhôva plơ̆ lah: “Ƀon Hêbron.”

I Phung Hađăch 2:11

Tâm rnôk Y-Đavit chiă uănh phung Israel geh puăn jât năm: pơh năm ta Hêbron jêh ri pe jât ma pe năm ta Yêrusalem.

Nau Kơp Bunuyh 13:22

Khân păng hăn hao Nêgep, tât ta ƀon Hêbron jêng ntŭk geh Y-Ahiman, Y-Sêsai jêh ri Y-Talmai, kon sau Y-Anak. Ƀon Hêbron ndâk lor pơh năm ma ƀon Sôan tâm bri Êjipt.

Êphêsô 5:30

yorlah he jêng lĕ kô̆ săk jăn tâm nglay săk Păng.

Nau Vay Nkah Tay 17:15

Tơlah pônây ăn khân may dăp du huê hađăch Yêhôva Brah Ndu khân may mra săch gay chiă uănh khân may. Hađăch nây jêng nơm tă bơh nklang khân may, mâu dơi dăp ôh du huê bu năch chiă uănh khân may, nơm mâu jêng ôh oh nâu khân may.

Phung Kôranh Phat Dôih 9:2

“Dăn khân may ôp nau mĭn lĕ rngôch phung bunuyh Sichem: ‘Mâu lah lĕ rngôch pơh jât nuyh kon bu klâu Y-Jêrubaal chiă uănh khân may mâu lah knŏng du huê kôranh chiă uănh ma khân may, moh nau jêng ueh lơn?’ Ăn khân may kah gĭt đŏng ma gâp jêng noi deh du mham ndrel ma khân may.”