I Nau Rêh Jêng 10:13 - Nau Brah Ndu Ngơi 2023

¹³ Pôri, hađăch Sôl khĭt jêh yor păng mâu gŭ răp jăp đah Brah Yêhôva, mâu djôt prăp ôh nau Păng ntăm. Rlau ma nây, păng ôp ma phung ngơi ndrel đah brah mhĭk,

I Nau Rêh Jêng 10:13 ပူးပေါင်းရင်းမြစ်များ

II Phung Hađăch 21:6

Păng nhhơr kon păng tâm ŭnh gay ndơ ƀư brah ma brah, ƀư nau sek uănh mănh jêh ri nau ƀŭk rƀên, dăn ôp phung gru rƀên jêh ri phung n'hŭm. Păng ƀư âk nau djơh tanăp măt Brah Yêhôva gay nsônh Păng ji nuih.

Nau Mprơ Ơm 25:3

Ngăn yơh mâu geh du huê nơm rnơm nsing ma May geh nau bêk prêng; Knŏng phung gŭ nau tâm rlăng.

Nau Mprơ Ơm 73:27

Yorlah ri phung gŭ ngai đah May mra rai yot; May ƀư rai phung ƀư tih mâu răp jăp, chalơi May

Nau Ngluh Êjipt 22:18

Mâu dơi om ôh nau rêh ma phung bu ur n'hŭm.

Nau Hôr 2:22

Ƀiălah phung djơh mhĭk mra ƀư rai lơi bơh n'gor, Phung mâu răp jăp bu mra mprơh lơi bơh ƀon tơm.

Êsai 19:3

Phung Êjipt mra roh lĕ nuih n'hâm, Gâp mra ƀư tâm vĭ nau khân păng tâm nchră. Rnôk nây, khân păng mra ôp phung rup brah, Phung n'hŭm, phung gru rƀên, jêh ri phung mbơh nau mra tât.

Êsai 8:19

Tơlah geh bunuyh đă khân may: “Ăn khân may ôp phung gru rƀên jêh ri phung n'hŭm, jêng phung ngơi bŭk,” ăn khân may plơ̆ lah: “Mâm ƀư du phung ƀon lan mâu ôp ma Brah Ndu khân păng nơm lŏ hăn joi ôp phung khĭt jêh ăn ma phung rêh?”

Kan Lêvi 19:31

Khân may mâu dơi hăn tât ma phung kuăl brah phan mâu lah ma phung n'hŭm; lơi ta ôp ôh khân păng, tơlah ƀư kơt nây khân may mra jêng ƀơ̆ ƀơch. Gâp jêng Yêhôva Brah Ndu khân may.

Kan Lêvi 20:6

‘Tơlah mbu nơm n'gĭl uănh ta phung ngơi ndrel đah brah mhĭk jêh ri phung n'hŭm, ƀư nau văng tĭr đah phung nây, Gâp mra tâm rdâng đah bunuyh nây jêh ri mra nsot lơi păng luh bơh phung ƀon lan păng.

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.

I Samuel 15:2

Brah Yêhôva ma phung tahan lah: ‘Gâp mra tâm rmal phung Amalek ma nau khân păng king trong ma phung Israel rnôk khân păng hăn luh tă bơh Êjipt.

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”

I Samuel 28:6

Y-Sôl ôp ma Brah Yêhôva, ƀiălah Brah Yêhôva mâu plơ̆ lah ôh, mâu lĕ saơ nau mbơi, mâu lah ma Urim, mâu lah ma phung nơm mbơh lor.