I Nau Rêh Jêng 1:14 - Nau Brah Ndu Ngơi 2023

¹⁴ jêh ri phung Jêbusit, phung Amôrit, phung Girgasit,

I Nau Rêh Jêng 1:14 ပူးပေါင်းရင်းမြစ်များ

Nau Ntơm 10:16

Y-Kanaan jêng chô yau phung Jêbusit, phung Amôrit, phung Girgasit,

Nau Ntơm 15:21

Amôrit, Kanaan, Girgasit jêh ri phung Jêbusit.”

Nau Ntơm 48:22

Êng may, gâp mra ăn ma may du kô̆ âk lơn ma phung oh nâu may, nây jêng n'gor yôk Sichem gâp sŏk tă bơh ti phung Amôrit ma đao jêh ri na gâp.”

II Samuel 21:2

Hađăch kuăl phung Gibêôn tât jêh ri ngơi ndrel đah khân păng — Phung Gibêôn mâu jêng phung Israel ôh, ƀiălah khân păng jêng hôm e klen tă bơh phung Amôrit. Nđâp tơlah phung Israel hŏ geh nau ton ma khân păng, ƀiălah Y-Sôl hŏ joi nau ƀư rai khân păng yor nau duh nđơr păng ma phung ƀon lan Israel jêh ri phung Yuđa.

II Samuel 24:16

Tơlah tông mpăr yơr ti gay ƀư rai ma Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri lah ma tông mpăr nơm gŭ ƀư rai phung ƀon lan: “Găp jêh! Aƀaơ ri rhuăt hom ti may.” Rnôk nây taơ, tông mpăr Brah Yêhôva gŭ êp ntŭk mprah ba Y-Arauna, bunuyh Jêbusit.

II Phung Hađăch 21:11

“Yorlah Y-Manasê, hađăch Yuđa, hŏ ƀư tih jêh lĕ nau dŭt ƀơ̆ ƀơch nây, ƀư nau djơh mhĭk lơn ma lĕ rngôch nau phung Amôrit hŏ ƀư jêh lor ma păng, jêh ri tâm ban lĕ nsŭk nsôr jêh phung Yuđa ƀư tih mbah rup brah,

I Nau Rêh Jêng 1:13

Y-Kanaan jêng mbơ̆ Y-Sidôn, jêng kon bu klâu bôk rah, jêh ri Y-Het,

I Nau Rêh Jêng 1:15

phung Hivit, phung Arkit, phung Sinit,

Nêhêmi 9:8

Kôranh Brah saơ nuih n'hâm păng răp jăp tanăp măt Kôranh Brah Jêh ri May hŏ ƀư jêh nau tâm rnglăp đah păng Ton ăn ma noi deh păng tâm n'gor phung ƀon lan Kanaan, phung ƀon lan Hitit, phung ƀon lan Amôrit, phung ƀon lan Pêrisit, phung ƀon lan Jêbusit, jêh ri phung ƀon lan Girgasit. Kôranh Brah hŏ ƀư tât di ngăn jêh nau Kôranh Brah ton, yorlah Kôranh Brah jêng sŏng srăng.

Nau Ngluh Êjipt 33:2

Gâp mra njuăl du huê tông mpăr hăn lor ma may, jêh ri Gâp mra nsot phung Kanaan, phung Amôrit, phung Hitit, phung Pêrisit, phung Hivit jêh ri phung Jêbusit,

Nau Ngluh Êjipt 34:11

Njrăng hom ma nau gâp ntĭnh ma may nar aơ. Aơ, Gâp mra nsot tă bơh tanăp khân may phung Amôrit, phung Kanaan, phung Hitit, phung Pêrisit, phung Hivit, jêh ri phung Jêbusit.

Amôt 2:9

Nđâp tơlah pônây, Gâp nơm yơh hŏ ƀư rai jêh phung Amôrit tanăp măt khân păng, Jêng phung bunuyh prêh nâm bu tơm si sêdar, Jêh ri dăng ktang nâm bu tơm si guyh. Gâp ƀư rai jêh play khân păng ta klơ n'gĭng Jêh ri reh khân păng tâm dâng neh.

Sakari 9:7

Gâp mra jut kloh mham tă bơh trôm mbung păng, Jêh ri sŏk lĕ ndơ sa ƀơ̆ ƀơch luh bơh sêk păng; Păng mra nâm bu phung ƀon lan hôm klen ma Brah Ndu he Jêh ri mra jêng nâm bu du huê kôranh tâm noi deh Yuđa Bi phung Êkron mra jêng nâm bu phung Jêbusit.

Nau Vay Nkah Tay 20:17

Nkhĭt lĕ ƀhiau phung Hitit, phung Amôrit, phung Kanaan, phung Pêrisit, phung Hivit, jêh ri phung Jêbusit tĭng nâm nau Yêhôva Brah Ndu khân may hŏ lah jêh.

Nau Vay Nkah Tay 7:1

“Lah Yêhôva Brah Ndu khân may hŏ njŭn khân may lăp tâm n'gor khân may bơi sŏk dơn gay jêng drăp ndơn, Păng mra mprơh tă bơh tanăp khân may âk phung ndŭl mpôl tâm ban phung Hitit, phung Girgasit, phung Amôrit, phung Kanaan, phung Pêrisit, phung Hivit jêh ri phung Jêbusit, jêng pơh ndŭl mpôl ktang lơn jêh ri âk lơn ma khân may.

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”

Yôsuê 3:10

Jêh ri Y-Yôsuê lah: “Yor nau nây, khân may mra gĭt ma Brah Ndu gŭ rêh mro mrăng gŭ ta nklang khân may, Păng mra mprơh lĕ phung Kanaan, phung Hitit, phung Hivit, phung Pêrisit, phung Girgasit, phung Amôrit, jêh ri Jêbusit du tă bơh năp khân may.

Phung Kôranh Phat Dôih 1:21

Ƀiălah phung kon sau Benjamin mâu mprơh ôh phung Jêbusit gŭ tâm ƀon Yêrusalem, pônây phung Jêbusit ăt hôm gŭ n'hanh ma phung kon sau Benjamin kŏ tât ta nar aơ.

Phung Kôranh Phat Dôih 19:11

Tơlah khân păng tât êp Jêbus nar lĕ dăch kêng măng ngo jêh. Oh mon lah ma kôranh păng: “He veh lăp hom ta ƀon toyh phung ƀon lan Jêbus aơ, jêh ri bê̆ch măng ta nây.”